Тексты
Вернуться к просмотру | Вернуться к списку
Minuu elaijas hyvin vedeli
История изменений
29 марта 2023 в 16:25 Александра Родионова
- создал(а) текст
- создал(а) перевод текста
- создал(а) текст: Minuu elaijas hyvin vedeli. Rahvas oldih tuttavat, ainos avvutettih. Minä heile avvutin, hyö mille avvutettih. Meile ainos, kui sanotah, tässäh en ole niyhty vihollištu ristikanzua tavannuh. Se ezmäine dielo, a toižekse, elaijas pidäy olla ristikanzal pahas piennyssäh mitahto semmoine piäs, što tämä pidäy elaigu hyvin eliä i ruadua. Sithäi minä vie školah konzu käin, jo smietiin, što minä rubien agronomakse ruadamah, što minul muaruavot roijah kai silmien ies. I minul kai vuidii muga hyvin. Autettih minul täs dielois i Petroskoin universitietas, sie nelli vuottu puolenke opastuimmo. A sit tiä souhozan ruavolois kai minul oldih, kui sanotah, hyvät mielet ainos. Hyvin ruado meni, ga segi nägyy sit, što meile, kui sanotahhäi, tulokset ollah parembat, mua on pandu kundoh. No nygöi vaigu on minul žiäli sidä, pellot kazvetah, kui sanotahhäi, puut nygöi. Eigo niitetä jöngös, eigo kynnetä, eigo midä, vot. Sanoinhäi, vähäžel minun elaijas aigu meni sudre. Minä en ruohti lähtie ni peldoloile daže mašinal libo jallai. Omua iččie pidää vähäiželgi duumaija, moužet toižin vähäžel ruadua. No aigu oli sit, strojiimmo komunizmua, kohendimmo mualoi, kohendiimmö kylvölöi kui vuidiu hyvin. Nu, vot kai meni muga. A nygöi on kai net hyllätty. Paha mieli on.