Тексты
Вернуться к списку | редактировать | удалить | Создать новый | История изменений | Статистика | ? Помощь
Kazvata ogurču!
Kazvata ogurču!
карельский: ливвиковское наречие
Новописьменный ливвиковский
"Kybenyt " algau
uvven Vavol-rubriekan . Kirjuttakkua täh rubriekkah sih nähte , midä suvaičetto ruadua ogrodas , kui istutatto da kazvatatto ouveššiloi , puuloi , tuhjoloi , erilazii dekoratiivizii kazvoksii .Voibi mustoittuagi , kui ruattih ogrodas omat , midä hyö sanottih da nevvottih , midä oman ičen kazvatettulois syödih rakkahembal da kui varustettih niilöis syömisty .
Täl kerdua pagizemmo ogurčas da opimmo istuttua se , parahite oraskuu on pihal .
Ogurču on vahnu ouveššilaji , kudai kuuluu tikvan roduh .Sil on enämbi kuuttu tuhattu vuottu .Ogurčua kazvatetah kaikes muailmas , suves da pohjazes .Vaiku pohjazes se parembi kazvau parniekois da teplitsois .Muatalovuslatoksis ogurčoi kazvatetah ymbäri vuvven lämmitettävis teplitsois .Myö istutammo sen tavallizeh kezäteplitsah .
Ogurčan siemenii nygöi laukois on eri maguh : pitkät kitaiskoit , pienembät saluattah niškoi da pienet suolattavakse .Otammo pienembän lajin , sanommo , "Sibirskaja girl’anda ", se hyvin pädöy suolattavakse da muite syödäväkse , ei ole kargei mavul .Voit ottua ogurčua mittustutahto muudu lajii , parembi kaksi — kolme .
Ogurčan siemenet enzimäi pidäy livottua , ku net puhkettas .Sih niškoi ota läbinägyi aste kannenke , pane sen pohjah palaine marl’ua , vala vähäine vetty , ku kai marl’u olis märgy .Pane marl’ale siemenet , salbua aste da pane lämmäh kohtah libo ikkunale .Sinul rodih pieni parniekku , siemenet terväh puhketah .Sit idozet voibi istuttua kohti teplitsah libo enzimäi pieneh astieh .Ogurču suvaiččou lämmiä da vetty , valele idostu lämmäl viel puaksuh da musta väittiä da pehmittiä muadu .Musta aijoilleh katkuo ogurčan työndölöi da ottua iäres kazvetut ogurčat , eiga net otetah äijän syömisty da ei anneta kazvua toizile .
Kazvata ogurču!
карельский: ливвиковское наречие
Новописьменный ливвиковский