Тексты
Вернуться к просмотру | Вернуться к списку
Kai proidi vielä üksi vuoži
История изменений
04 октября 2023 в 14:26 Нина Шибанова
- создал(а) текст
- создал(а) текст: 18.03.2012 Stanislav Vasiljevič Tarasov täütti 75 voutta. Hiän, kuin ennen, eläü omaššah koissa Vasil’kovalla Medvedičän joven rannalla. Stanislav Vasiljevič on nuori hengellizešti, vaibumatta kirjuttau karielakši i hormiksi omah randah näh. Hänen šündümäpäiväkši viidi runokniiga «Я люблю улыбку от души», kumbazešša on kerättü runot lapšilla varoin. Toivotamma Stanislav Vasiljevičalla tervehyttä, ožua i äijän šomua runuo! Tänä vuodena viidi A.N.Golovkinan uuži kniiga «Свет в окне». Lugijat tunnetah Anatoli Nikolajeviččua kirjuttajana tverinkarielan rahvahan historijah näh. A tämä on jo toine runokniiga! Enžimmäne viidi jo v.2009. Kniigašša A.N. Golovkin kirjuttau i karielazin hengeh näh, i pereheh näh, i omah ruadoh näh i kaikkeh, mistä kivistäü šiämi nügüaigana. Vuuven 2012 lopušša on tulošša N.M. Balakirevan karielan kielellä kirjutettu proozakniiga ”Stuanovoine”. Täššä kniigašša lugija löüdäü uuven povestin ”Voinan rinnalla”, kumbazešša Nikolai Mihailovič šanelou, kuin voina tuli Stuanovoizin eländäh, kuin muuttu küläläzin argipäivä. Toine povesti kniigašša - ”Kuzmičča” - on hüvin tuttava karielan kielellä lugijоilla. Karielan šana lehen konkursašša ”Meččä” voitti R.A. Kudr’avceva, kumbane kirjutti raskuazan ülen šomalla karielan kielellä. Hiän eläü pos’olkašša Mirnij Lihoslavl’an rajonua i kirjuttau omalla kielellä proozua i runoloida. Ivakina N.V. omanke starinanke ”Rebone” zaimi vtoroin messan. Tahon šanuo šuuren passibon kaikilla, ket autettih luadie 7. aprel’ua 2012 lehen 15-vuodizen pruazniekan. Osobo kiitän Nikolai Aleksandroviččua Pankratjevua, Tverin biznesmenua i tverinkarielazin NKA komitetan členua, kumbane autto lehellä valmistua tämän pruazniekan. Toivotan kaikilla, ket šuatah omua rahvašta i kirjutetah karielakši ili hormiksi karielazin näh, lujua tervehyttä, hüviä ožua, što vielä äijän kirjuttua miän eländäh näh!