Тексты

Kartinen Alina . Matka vanhauškosien luokši

подкорпус: публицистические тексты

Источник:

Oma mua. № 42, 2023, с. 10

Kartinen Alina

Matka vanhauškosien luokši

карельский: собственно карельское наречие
Новописьменный севернокарельский

Ainutluatuni
näyttely toimiu Karjalan
kanšallisen musejon konferenššišalissa. Šen
nimi
on
"Ole
hyvä
ta
luve
meijän
vaštaukšie". Näyttely on
omissettu
Pomorien vaštaukšie -kirjan
300-merkkipäivällä, kummaista vietetäh
tänä
vuotena
.

Kaikin
tiijetäh
, jotta
enneinmuinoin ne
oikieuškoset, ket
ei
hyväkšytty
Nikonpatriarhin kirikköreformie, muututtih
Venäjän
keškiošašta Karjalan
pohjoseh. Šielä
, Valkiehmereh laškijan Ylä-Uikujoven varrella
hyö
peruššettih niin
šanottu
valtijo valtijošša – Uikujoven vanhauškosien yhteisö.
Manasteriyhteisön peruštamisen 70 vuuvven
kuluttuo ilmeštyki vanhauškosien käsinkirjutettu tevoš "Pomorien vaštaukšie, eli
Yhteisön eläjien
vaštaukšet Neofit-ieromanahhan kyšymykših", missä
kiistelymuuvvošša šelitetäh
vanhauškoisuon ytimet. Tevokšen luatijina oltih
yhteisön jäšenet kinoviarhi Andrei Denisovin joholla
. Nyt
tätä
kirjua
pietäh
vanhauškoisuon kulttuurin
tärkienä muistomerkkinä.
Näyttelyššä on
esitetty
kiriköllisie käsikirjutukšie, kirjoja
ta
ikonija
, ristijä
ta
kirikköpalveluja varoin
tarvittavie
vehkehie
šekä vanhauškosien kotiesinehie Karjalan
kanšallisen musejon fondiloista ta
keryäjän M. ~~Maksimovin kokomukšešta.~~ Nämä
vanhat
vehkehet
viijäh
kaččojie muinaisaikoih ta
tuttavuššutetah vanhauškoisuon ilmapiirih.
Ole
hyvä
ta
luve
meijän
vaštaukšie -näyttelyö valmissettih
Karjalan
kanšallisen musejon ta
Piiterin
antropologijan ta
etnografijan musejon ruatajat yheššä
Denisovien vellekšillä
nimitetyn vanhauškoisuon kulttuurišeuran jäšenien kera
.
Näyttely on
tarkotettu
kotišeutututkijilla, istorikoilla, Karjalan
eläjillä
ta
vierahilla
šekä kaikilla
, ketä
kiinnoštau šeuvun istorija
ta
kulttuuri
šitä
voit
kaččuo
Kanšallisešša musejošša tulijan
vuuvven
pakkaiskuun loppuh
šuaten
.