Тексты
Вернуться к списку | редактировать | удалить | Создать новый | История изменений | Статистика | ? Помощь
Marija Kirillova. Muailman kummallisimpie kiššoja
Marija Kirillova
Muailman kummallisimpie kiššoja
карельский: собственно карельское наречие
Новописьменный севернокарельский
Konša
pakina koškou kiššoja , ni kaikin ajatellah tavallisista kotielukoista , kumpasilla on pehmie turkki , terävät korvat , pität käpälät ta häntä .Onnakko kiššojen muailmašša on hyvin kummallisie rotuja .Eryähistä niistä mie šiula kerronki .
Konša kačot likoi-kiššah , ni voit alkua epyällä , jotta onko še terveh ta adekvattini elukka .Vualieharjani puolipal’l’aš olento vain vähäsen muissuttau kotilemmikkie .Kiššan nimi tuli muinaiskreikkalaisešta šanašta , mi merkiččöy hukkua , a likontropiksi Europašša šanottih ihmishukkua .Šemmoni kikki makšau noin 1500 dollarie .
Mančkinin tärkeimpänä erikoisuona on šen hyvin lyhyöt käpälät .Kišša tykkyäy istuo takakäpälilläh , kuin siiseli , ta etukäpälilläh voit ottua vehkehie .Še on leikkisä elukka ta ei tuškauvu , konša ei voi hypätä korkiella stolalla , šentäh kun löytäy monta mukavua huvie lattieltaki .Mančkin on erittäin šuosittu kiššarotu , šen hinta voit olla 3–40 tuhatta rupl’ua .
Še karvatoin lyhytkäpäläini kišša on mančkinin ta sfinksin hibridi .Bambino ei ole kovuan šuloni eikä šievä kišša , ka še on huvittava ta mukava elukka .Kišša on äijyä šukkelampi , mitä näyttäy , ta hyvin hyppyäy .Šillä kokonah ei ole agressijua ta mečäššyšinstinktie .Bambino makšau noin 800 dollarie .
Yksi harvoista kiharaturkkisista rotuloista .Kiššan turkki on niin pehmie , jotta šitä verratah šamettih .Korniš-reks on keškikokoni , šolakka , eleganttini , pitkäkäpälöini ta hyvin taipusa elukka .Šen luonto on yhtä pehmie , kuin ni turkki .Kišša on hyvin yštävällini ta ei tykkyä olla yksin .Korniš-reks makšau noin 500 dollarie .
Tämä kummallini kišša on mančkinin , sfinksin ta kerlin hibridi , šentäh še elukka on pieni , lyhytkäpälöini , karvatoin ta šen korvat on viännetty tuakšepäin .Dvel’f on šeurallini ta pehmieluontoni kišša .Še on pieni ta šukkela , ta aina staraiččou olla ihmisen viereššä , jotta "auttua " isäntyä kotihommissa .Kikin hinta on yli 100 tuhatta rupl’ua .
Še on erämuan ilvekšen ta amerikkalaisen kerlin ainutluatuni hibridi .Kiššan erikoisuona on lyhyt häntä , viännetyt tuakšepäin korvat ta kaunis marmoraväri .Hailender on šuuri kišša (šen paino voit olla yli 9 kiluo ), ka hyvin viisaš ta yštävällini .Še on harvinaini ta kallis kiššarotu .Kikki voit makšua 3000 dollarie .
Kišša muissuttau pyörietä villapalluo ilmekkähien šilmien kera .Ihmiset kerrotah , jotta foldeks on hyvätapani ta šulo olento .Še oikein tykkyäy omua isäntyä ta eläy šovušša toisien kotielukkojen kera .Foldeks ei šuata torata , še on viisaš ta yštävällini .Kiššan hinta on noin 1000 dollarie .
Muailman kummallisimpie kiššoja
карельский: собственно карельское наречие
Новописьменный севернокарельский