Тексты
Вернуться к списку
| редактировать | удалить | Создать новый
| Статистика
| ? Помощь
Зайцева Антонина Анатольевна.
Karielan kulturin yhtyš
Источник:
Karielan šana. № 1, 1996, с. 1
* Текст статьи отредактирован согласно современной тверской карельской новописьменной норме. Оригинал текста приведен в квадратных скобках.
Зайцева Антонина Анатольевна
Karielan kulturin yhtyš
карельский: собственно карельское наречие
Новописьменный тверской
Tervehyttä teilä, kallehet lugijat miän šanalehtie!
Mänöy jo kuuveš vuoži kuin on kerätty i avattu Tverin karielan kulturin yhtyš. Tämpiän tuli i miän pihalla juhlaja – jogo kuuda rubieu voimah meilä lugie šanalehti karielan kielellä.
Enžimäzet šanalehet lietäh kirjutettu i karielan i venäjän kielellä. Myöhemmä, on mieleššä, šanalehti lieu kirjutettu vain karielan kielellä.
Hyvät miehet – lugijat "Karielan šanua", kirjuttakkua mih näh työ tahotta lugie omašša šanaleheššä, mytyš oma "Karielan šana" on teilä mieleššä.
Meilä, šanalehen laškijoilla, on tämänmuozet mielet. Jogo šanaleheššä lieu:
Tverin karielan kulturin yhtykšen uuvikšet;
Tverin karielazin historija;
literaturan pala: runot, šuarnat, šanallukšie;
kirjat lugijoista;
karielan kielen opaššundapala i toista.
Hyvät lugijat, rubiemma vuottamah teistä kirjua. Kirjuttakkua, kuin työ elättä, midä teilä on uuvikos’t’a.
Tämpiän teilä ieššä on enžimäne šanalehti "Karielan šana".
[Karielan kulturin ühtüš
Tervehütta teilä, kallehet lugijat mian šanalehtii!
Mänov jo kuvveš vuoži kuin on kerattü i avattu Tverin karielan kulturin ühtüš. Tämpiän tuli i miän pihalla juhlaja – jogo kuuda rubiv vojmaa meilä lugii šanalehti karielan kielellä.
Enžimäzet šanalehet lietääh kirjutettu i karielan i venäjä kielellä. Mühemmä, on mieleššä, šanalehti liev kirjutettu vain karielan kielellä.
Hüvät miehet – lugijat "Karielan šanua", kirjuttakkua mih nä tüü tahotta lugii omašša šanaleheššä, mütüš oma "Karielan šana" on teilä mielešša.
Meilä, šanalehen laškijolla, on tämän muzet mielet. Jogo šanalehešša liev:
Tverin karielan kulturin uhtükšen uvvikšet;
Tverin karielazih historija;
literaturan pala: runat, šuarnat, šanallukše;
kirjat lugijosta;
karielan kielen opaššunda pala i toista.
Hüvät lugijat, rubiimma vuottamah teistä kirjua. Kirjuttakkua, kuin tüö elättä, midä tielä on uvvikostä.
Tämpiän teilä iišša on enžimäne šanalehti "Karielan šana".]
