Тексты
Вернуться к списку | редактировать | удалить | Создать новый | Статистика | ? Помощь
Zaveršimma socializman fundamentan srojinnan
Zaverşimma soçualizman fundamentan sroinnan
Zaveršimma socializman fundamentan srojinnan
карельский: собственно карельское наречие
Новописьменный тверской
3-š vuoži
viizi vuodis’t’a kumbane zavodieči 1 janvarilla tuou meilä uužie , kumbazie täh šua myö emmä nähnyn dostižen’oida .Täššä kolmannešša vuuvešša viizi vuodis’t’a , myö lopemma srojie fundamentua socialističeskoin ekonomikan .Central’noi komitetta kommunističeskoin bol’ševikoin partin huavušti kažvon socialisticeskoin promišlennostie 3 vuuvešša viizi vuudis’t’a 45 %.Toizeh rukah šanuo miän promišlennosti andau produkciid’a 3-ie enämmän ei kuin ando ennen voinahizen promišlennosti čuarin Rosseissa .
Tänä že vuodena Ukrainalla , Severnoilla Kavkuazalla , Nižn’oilla Volgalla , Sredn’oilla Volgalla pidäy olla kollektiviziruidu 80 % kylin hoz’aistvoida .Tämä on počti loppu splošnoіn kollektivizacijan i hävitändä kulakkoloida kuin klassua , näissä rajonoissa .Ostatkoissa jyvä rajonašša pidäy olla kollektiviziruidu ei vähembiä 50 % s’olan hozaistvoida .Rajonoissa missä vain upotrebl’aijah primeerakši otamma Moskun oblastin kolhozoilla lieu fatittu vain 20–25 % kylien hozaistvoida .Vipolninda näidä partin rešen’joida rubieu znuačimah , što odoliu socialističeskoi sektora , sektoran yksinäzin kyliin hozaistvoida .
Tämän šuuren programman socialističeskoin nastuplen’jua myö lopemma vain rešitel’noišša borčuinašša kulakkoloinkena kumbazet kaikkeh vägeh ottelou riuhata socialističeskoin srojitel’stvan .
Hyvin torata kulakkoloikkena voit vain šilloin konža myo rubiemma žualostitta pergamah pravoiloida opportunistoida kumbazet tahotаh piettiä kylän kollektiviziruindua i miän annan industrializiruindua i šillä autetah kulakkoloilla .Niin že pidäy pergua i važamie lymmytäjie kumbazet pitaičiečetah "kahteh luguh " ožuttamatta , massovoitta političeskoitta ruavotta , administrativno kollektiviziruja kylän hoz’aistvat .
3 vuoži viizi vuudis’t’a tuou uužie voittomizie aziešša kumbane lujendau vellehukšen kaikie šubi rahvahie SSSR , industrializaciin perykšellä nacional’noiloida respublikkoida i yhtehistä kollektiviziruinduo hiän kylin hozaistvoida .
Ših že aigah konža kapitalistoin rannoissa enämmäldi kažvau keyhyš kaikie ruadajie ylen ruttoh šalbuačetan yksi toizella jällesti fuabrikka i zavoda enämmäldi liččuau načional’noi jygehyš .Meilä SSSR kažvau i luenou rahvahan ristivellyš , kažvau i luenou — socialističeskoi hoz’aistva .Vielä enämmäldi rubieu razvivaičičomah meilä nacionalnoi formua myöt’ , proletarskoi soderžanijua myöt’ kul’tura .
Viendä tänäpiänä 1-ta numerua karielan gaziettua omalla kielellä liijan kerran pottverždaičou , što partija kovaldi vedäy leninskoida nacional’noida politikkua .
Velikoderžavnoi šovinizma on suamoi šuurembi varannuš tällä välillä socialističeskoissa strojitel’stvašša niin že i tägäläne nacionalizma , molemmat nämä kiännynnät leninskoista nacional’noista politikašta vaššatah i ruvetah vaštuamah ielleh ylen šuuren otporan partiin rannašta .
Miän gazietta rubieu kovaldi toruamah general’noista lineista partiin , vaštah kaikilla kiännykšillä kaikkie enämmäldi vaštah pravoilla kumbane on kulakon agenta .Miän gazieta rubieu žualivoimatta pergamah jogo ožuttuačendua kuin velikoderžavnoin šovinizman niin tägäläziin nacionalizmua .Miän gazietta rubieu kovaldi toruamah štobi organizuija kaikie kazakkoida , kolhoznikkoida , keyhie , i keškikerdazie karieloida kolektiviziruija kylän hozaistvoida .
Zaveršimma socializman fundamentan srojinnan
карельский: собственно карельское наречие
Новописьменный тверской