Тексты
Вернуться к списку | редактировать | удалить | Создать новый | История изменений | Статистика | ? Помощь
Paaso Sil’va . Mušt Suren voinan gerojiš
Paaso Sil’va
Mušt Suren voinan gerojiš
вепсский
Младописьменный вепсский
Šoutjärven
melentartuisija
Tučinan pert’ om arhitekturan muštpacaz .Se om Änižröunan tradicionaline vepsläine sauvotuz .Ezmäižel sen žirul oma tanaz da sija , kus kaitas radkaluid .Toižel žirul oma eländhonused .Tučinan pert’ seižui Kal’l’ansarel , a vodel 1979 se sirttihe Šoutjärvehe .Mikš nece pert’ tegihe melentartuisijaks ?XX-voz’sadal neciš pertiš peitihe tedišteluzjouk .Sikš nece unikaline sauvotuz kaičeb äi melentartuižid ozuteluzkaluid da muštod Sures voinas .
Kut nece oli
13.elokud vodel 1943 tedišteluzjouk oigetihe Šoutjärven rajonaha .Joukus oli viž mest : vepsläine Dmitrii Gorbačov , venälaine Pavel Udal’cov , karjalaine Mihail Asanov da suomalaine Sil’va Paaso .Heile tariž oli kosketadas sijaližiden eläjidenke , säta Šoutjärves partizanoiden jouk , sada tedoid okkupantoiden planoiš da oigeta nene tedod frontan štabha , mitte sijadui Belomorskas .Ezmäi tedištelijad peitihe mecas .Konz oli pannu lunt , jäda mecas tegihe varukahaks .Siloi Dmitrii Tučin , külän pämez’ , oti -ki partizanoid ičeze pertihe .Dmitrii kosketihe suomalaižidenke , hö uskoiba hänele i ei meletanugoi-ki , miše Tučinan pertiš , tanhal , viž kud eliba partizanad .
Tučinan pert’ nügüd’
Vodehesai 2012 pertiš oli muzei , miččes starinoitihe Suren voinan aigtegoiš da tedišteluzjoukus , mitte eli siš .Tučinan pertiš kaičese 9000 ozuteluzkalud , miččid om sidotud partizanoiden tarbhaižehe radho , no muzei tariž oli saubata .Nügüd’ kacta pert’ voib vaiše irdpolespäi .Ekskursijad tedišteluzjoukus mäneškanziba Šoutjärven etnografižes muzejas .Muloi Karjalan büdžetaspäi jagatihe rahad Tučinan pertin endištamižele .Endištamižen jäl’ghe toižel žirul linneb udištadud Tučinan perehen elo : tehtas ozuteluz perehen fotokuvišpäi da kodikaluišpäi .Karznas mugažo tehtas ozuteluz , sigä kaitas nenid kaluid , miččed varaidaba kuivad il’mad da päivänvauktad .Ozutelused linneba avoimed kaikile tahtnikoile .
Vaumišti Taroi Babukoine
Mušt Suren voinan gerojiš
вепсский
Младописьменный вепсский
13.