Тексты
Вернуться к списку | редактировать | удалить | Создать новый | История изменений | Статистика | ? Помощь
Vessel maidnedal’
Vessel maidnedal’
вепсский
Младописьменный вепсский
Täl
vodel mö praznuičem maidnedalid 11.-17.keväz’kud .Se znamoičeb , miše kaikiš pertiš om kürziden duh da hüvä mel’ .Taričem teile enamba tedištada maidnedalin tradicijoiš da tehta meiden tegendad .
Ende maidnedalil Venämal tehtihe rahvahan praznikad , keratihe sured stolad , naižed arboiba , tegiba obrjadoid .Mugažo necil praznikal oli tradicii – poltta pöl’göitint .Se znamoiči , miše pigai tuleb keväz’ .No kuspäi tuli nece tradicii ?
Kut sündui tradicii poltta pöl’göitint maidnedalil
Tradicii poltta pöl’göitint maidnedalil mugažo om amuine .Ende ristituil oli Marena-jumal .Erasiš man agjoiš oli tradicii kopata tätüižen maha , a toižiš – rebitihe sidä paloikš da tactihe pöudole .
Fol’klorist Vladimir Propp oli mugošt mel’t , miše maidnedal’ oli kuti manradon vero hüvän satusen täht .Maidnedal' oli ühtes toižidenke manradon praznikoidenke .Ende ristitud uskoiba , miše muga hö voiba painastada satusehe .
Tradicijad kürzidenke
Maidnedalil oli ičeze kürzidenke sidotud tradicijoid .Ozutesikš , meletadihe , miše ezmäine kürz pidab "antta kolijale ".Sidä ei södud , a pandihe iknale .Paksus sidä anttihe pakičaižele , miše hän loičenuiži kolijoiš .
Mugažo naižed arboiba kürziden abul .Čoma da hoik kürz znamoiči bohatad elod .Hondad kürzad pidi pigemba söda , miše niken ei nähnuiži sidä , ika linneb bed .
Neiččed šuhaižiba tahthale , miše kürz oliži čoma , a elo – ozakaz .
Vessel maidnedal’
вепсский
Младописьменный вепсский