Тексты
Вернуться к списку
| редактировать | удалить | Создать новый
| История изменений
| Статистика
| ? Помощь
Abupaginkirj vepsän kelel
Источник:
Kodima. № 11, 2009
Abupaginkirj vepsän kelel
вепсский
Младописьменный вепсский
Redukus ”Periodika”-paindištos läksi uz’ kirj. Sen nimi on ”Venä-vepsläine abupaginkirj”. Kirjan tegijad oma filologian doktor Nina Zaiceva da Petroskoin universitetan karjalan i vepsän keliden kafedran opendai Ol’ga Žukova.
Abupaginkirjas om erazvuiččid temoid, miččid kävutoittas elos paksumba.
Necen kirjan abul voib pagišta teatran, kinon, koncertan polhe; küzuda aigas, säs; pakita söndad da jondad restoranas, kafes, baras, sada tedoid tervhuden da lebun temoišpäi i muga edemba.
Abupaginkirjan lophu om pandud vajehnik i grammatikan tablicad, miččed abutaba oikti panda sanoid tarbhaižehe kändoho da formaha.
Venä-vepsläižen abupaginkirjan painduzmär om tuha ekzempl’arad. Kirj om vahvištoittud Termišt-orfografižen komissijan pätusel kävutandan täht i om paindud Niilo Helanderan fondan abul (Suomi).
Nece abupaginkirj om hüvä lahj da abukirj ezmäi kaiked openikoile i üläopenikoile, a mugažo niile kaikile, ken tahtoib opeta vepsän kel’t i kenele se om melentartušt. Nügüd’ kaikutte tahtnik voib pagišta necen kirjan abul vepsäks erasiden temoiden mödhe.