Тексты
Вернуться к списку | редактировать | удалить | Создать новый | История изменений | Статистика | ? Помощь
Maria Filatova. Melentartuižed ezitused maman kelel
Maria Filatova
Melentartuižed ezitused maman kelel
вепсский
Младописьменный вепсский
Redukun
16.päiväl Petroskoin suomalaiž-ugrilaižes školas vedetihe tedokonferencii .Se oli omištadud karjalan da vepsän kirjkelen päiväks .Konferencijaha ühtniba školiden openikad , kudambad tuliba erazvuiččiš Karjalan polišpäi : külišpäi da lidnoišpäi .
Sures školan praznikzalas kerazihe äi rahvast .Ozatelmaha lapsid praznikanke tuliba korgedškoliden opendajad : tägä oli Petroskoin valdkundaližen üläopišton da Karjalan pedagogižen akademijan ezitajid .Hö starinoičiba openikoile karjalan , suomen da vepsän keliden kafedroiden rados : kut voib päzuda opendamhas tedokundale , miččid tedoid saba üläopenikad , kus voib rata opendusen jäl’ghe .Ičeze pajoid da karguid lahjoičiba adivoile vepsläine lapsiden “Linduižed ”-fol’kloransambl’ da “Kulkuset ”-kantelistoiden ansambl’ .
Konferencijan aigan radoi kaks’ sekcijad .Ühtes pidiba ezitusid 5-7 klassoiden openikad , toižes oli lapsid 8-11 klassoišpäi .Lapsed lugiba dokladoid karjalan da vepsän kelil .Temad oliba erzvuiččed : “Sport da tervhuz’ ”, “Minun kanz ”, “Min polhe minä starinoičen ičein vunukoile ”, “Meiden külän norišt ”, “Minun kanzan praznikad ”.Openikad tagiba čomid prezentacijoid , a erased ičeze ezitusiden ližaks ozutiba völ ičeze mahtoid pajatades .
Vepsän kelel oli kuz’ ezitust .Mihail Kuznecov , Vladislav Inin , Aleksandra Gal’ceva , Anastasija Latiševa , Nikita Murašov opendaba vepsän kel’t Petroskoin suomalaiž-ugrilaižes školas .Konstantin Mironov da Anna Kalugina tuliba Kalagespäi .
Kaik lapsiden ezitused oliba hüväd .Nägui , miše lapsed vaumištihe konferencijaks : oli keratud sur’ , melentartuine tedomaterial , čomid fotoid , oli tehtud prezentacijoid .Laudkundan ezitajile kaik ned tuliba mel’he , no pidi valita parahimid .
Ezmäižid sijoid vepsläižiden keskes saiba Konstantin Mironov da Nikita Murašev .Vägestajad pidiba nelentartuižid ezitusid , pagižiba rohktas vepsän kelel .Ozatelem lapsid da toivotam heile hüvid satusid openduses , uzid vägestusid da tedoid .
Melentartuižed ezitused maman kelel
вепсский
Младописьменный вепсский