Тексты
Вернуться к списку | редактировать | удалить | Создать новый | История изменений | Статистика | ? Помощь
Smirnovin päivä
Smirnovin päivä
карельский: собственно карельское наречие
Новописьменный тверской
Ruado
päivinä myö noužen aivokkazeh , šeiččimen čuasun aigah , peziečen , šuoriečen .Jyrgi da Kir’u männäh tanhuoh .Muatko varuštau huomneš palua .Mie noššatan lapšet , autan Arsʼolla čistie hambahat da šuoriečie , šuvittelen Olʼon piädä .Huomneš palan šyödyöh mie tyttärenke mänen jalgazin školah , žentän kuin ruan šielä opaštajana , a Ol’o opaštuu enžimäzeššä kluassašša .Jyrgi da Kir’u mašinalla šuatetah Ars’on lapšin päivä kodih .Ruaduas’s’a myö tiijämmä , što hänellä šielä on hyvä : hänenke kizatah , händä kačotah , aijalleh šyötetäh da muata pannah .Päivä koista mužikat ajetah ruavolla .
Mie da Ol’o murginoičemma školašša puolen päivän aigah , šielä on hyvä šyöndä paikka da keittäjät varuššetah ylen magieda šyömistä .Buabo tulou školah Olʼuo vaš 14 čuasun aigah da hyö männäh kodih .Koissa Olʼo muuttuačou , juou čuajuo , luadiu kaikki kodi ruavot da žen jälgeh lähtöy gul’aimah pihalla .Urokat školašša ollah 15 čuasuh šuat , ka miula on vielä kaiken muos’t’a ruaduo 17 čuasuh šuat .Ruavon jälgeh mie mänen päivä kodih Ars’uo vaš da yheššä myö lähemmä kodih .Matalla myö käymmä laukkah da oššamma šyömistä .
Jyrgi da Kir’u myöštiäčetäh kodih 18 čuasun aigah da ruatah tanhuošša .Myö , naizet , varuššamma šyömistä .Myö illas’s’amma 19 čuasun aigah , žen jälgeh mie da Ol’o pežemmä aštiet , Jyrgi kizuau Ars’onke , buat’ko kaččou televiizorua , a muatko nieglou meilä varoin noskazie ali alazie , Kir’u istuu internetašša .
21 čuasun aigah mie auttan lapšilla peziečie da riiččiečie , Jyrgi lugou heilä šuarnoida . Lähellä 22 čuasuo myö laškiečemma muata .
Joudu päivinä myö olemma läbi päivät lapšinke : čurajamma velospetoilla , kon’killa ali šukšiloilla , kizuamma miäččyh , kävelemmä gostissa Mikul’n’alla , miun vanhemmin luona .Šuovattana kylbiečemmä kylyššä .
Smirnovin päivä
карельский: собственно карельское наречие
Новописьменный тверской