Тексты
Вернуться к списку | редактировать | удалить | Создать новый | История изменений | Статистика | ? Помощь
Tverinkarielazet
Tverinkarielazet
карельский: собственно карельское наречие
Новописьменный тверской
Tverin
karielan rahvahan pohjana on vanha Korela -rahvaš , kumbane eli 17.vuožišuan šuat Luadogan järven lašku - i vilurannalla .Švedat i hormat rigeneh torattih toine toizenke karielazin mualoin tuačči .Vuodena 1617, Stolbovan dogovorua myötʼ , kaikki karielazin muat jiädih švedoilla .Žen jälgeh karielazin eländä lieni vesʼma paha da hyö ruvettih uidimah pagoh Veniällä : nygyhizin Karielan Tažavallan , Leningradan , Novgorodan da Tverin oblastiloin mualoilla .Tverin rahvahattomilla mualoilla tuli elämäh enämbi 20 tuhattua karielasʼtʼa .Monet kodi muašta uidinnuot karielazet perehet moničči muutettih eländä paikkua , primierakši erähät tuldih Tverin Karielah Vienan Karielašta da Keški -Karielašta vašta 17.vuoži šuan lopušša .Karielazie Tverin Karielah lizäydy 18.vuozi šuan allušša , Ništadskoin dogovoran jälgeh .
20. vuoži šuan allušša Tverin Karielašša eli enämbi 150 tuhattua karielasʼtʼa , ka istorijallizin tapahtumin tuačči hiän eländä rubei muuttumah .Nyt Tverin mualla eläy läššä 7 tuhattua karielasʼtʼa , ka karielakši pagizou vain kolmanneš heistä .
Tverin karielazet paissah (paistih ) varžinais karielan piä murdehen kolmella murdehella .Nämä ollah Tolmačun , Ves’jegonskan da D’joržan (kuollun ) murdehet , kumbazin fonetikka sistemat äijäldi erotah toine toizešta .Primierakši , konža Tolmačun karielazet šanotah muamo , kežä , istuo , yö , vielä , pieluš , Vesʼjegonskan šanotah miamo , kezä , ištuo , yö , vielä , pieluš , a Dʼoržan karielazet šanottih muam , kež , istu , yä , viäl’ , pialuš .Tverin karielah on tullun ylen äijä veniäläzie šanoida .
Vuodena 2017 täydyy 400 vuotta kuin karielazet eletäh Tverin mualla .Vielä šäilytäh hiän kieli da tavat , ka vain lugu ylen ruttoh puolenou ...
Tverinkarielazet
карельский: собственно карельское наречие
Новописьменный тверской