Тексты
Вернуться к списку | редактировать | удалить | Создать новый | История изменений | Статистика | ? Помощь
Kežälašku
Kežälašku
карельский: собственно карельское наречие
Новописьменный тверской
Smirnovilla on
kežä lašku .Enämbi kaikkie tädä vuotettih Ol’o da Ars’o .Kežän aigana heilä ei pie noušša aivokkazeh huomnekšella da männä školah ali päivä kodih .Ol’olla ei pie luadie školan kodi ruavot , voiččou läbi päivät kävellä pihalla tovarissoinke .
Kežällä škola on šalvattu puolekši toista kuukši , žentäh Oks’on lašku on 44 päiviä .Jurrin lašku on lyhyömbi – 28 päiviä .Hiän nagole pakkuou laššun kežällä , heinäkuušša , štobi olla enämbi aigua naizenke da lapšinke .Laššun aigah hänellä on kaikenmuos’t’a ruaduo .Smirnovilla on žiivattua , žentäh pidäy varuštua heilä varoin heiniä talvekši .Jyrrillä on oma uuži traktora , žentäh tämä ruado ei ota äijä aigua .Sergo da Kir’u autetah hänellä .Konža on hyvä šiä Jyrgi da Sergo ajellah mašinalla Tiifinča -jovella ongittamah kalua , toičči otetah keralla Ars’on , ka hiän on vielä pieni , ei šua tirpua , kuni zavodiečou tikutanda .Päivällä Jyrgi viey lapšet jovella .Ol’o jo mahtau uija , ka Ars’uo vielä pidäy opaštua uimah .
Oks’olla kežällä on nagole ruaduo ogordašša .Illalla hiän kitköy da valelou riädyzet .Huomnekšella Oks’o da Ol’o kävelläh meččäh marjah , a Nad’o keittäy marjašta magieda varen’n’ua .
Konža vanhemmilla on enämbi aigua , pereh ajelou velospetoilla : Ars’o Jurrinke yhellä velospetalla , Oks’o da Ol’o omilla .Hyö ajetah Mikul’n’alla Oks’on vanhemmin luoh .Ildazin hyö kaikin yheššä kizatah pihalla miäččyzeh ali stola kizoih .
Tällä kežällä Jyrgi da Oks’o lapšinke männäh kahekši nedeliksi Muššalla merellä .Sergo šuattau hiät mašinalla Tverih , a šieldä hyö männäh pojezdalla Anapa -linnah .Pojezdašša on niin veššelä ajella !Järeštäh hyö tullah samol’otalla Moskuh , a šieldä pojezdalla Spiirovah šuat .Kaikki bilietat ollah jo oššettu .Anapašša Smirnovat ruvetah elämäh otel’ašša , meren rannalla .Lapšet äijäldi vuotetah tädä matkua , hyö nikonža ei nähty merdä .Vilulla talvella lieu midä muissutella !
Kežälašku
карельский: собственно карельское наречие
Новописьменный тверской