ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

L’ubov’ Baltazar. Pruazniekan simvolat

подкорпус: публицистические тексты

Источник:
Oma mua. № 17, 2024, с. 10

L’ubov’ Baltazar

Pruazniekan simvolat

карельский: ливвиковское наречие
Новописьменный ливвиковский
"Hristos kuoli meijän riähkien täh..." (Kirjaine korinfalazile 16:13)

ERI USKONDOT
Kogo muailman kaikis suuremban pruazniekan – Hristosan kuol lieloispäi kuondumizen aigu on lähestymäs. Ga sen pidämizen aigu eri uskondolois on erilaine sendäh gu pravoslavnoil da katoulizel kirikkölöil ollah erilazet kalenduarat. Yksi eläy vahnua, julianskoidu myö, toine – uuttu, grigorianskoidu myö. Nygöi niilöin ero on 13 päiviä. Puaksumbah katoliekat pietäh Äijiäpäiviä nedälii enne, harvazeh olettelou nelliä-viitty nedälii enne.
Tämä ero rodih silloi, konzu Ven’an mua revol’utsien jälles rubei elämäh uuttu, grigorianskoidu kalenduarua myö, ga pravoslavnoi kirikkö ei tahtonuh sih siirdyö. Sih uskovazil oli suuri syy. Vahnan zavietan Pashua, kudai iudaizman uskos merkiččöy jevrielöin piäzemisty jegiptalazien orjukses, pruaznuittih jo 1500 vuottu enne Iisus Hristosan roindua. Se pruazniekku kalenduarua myö ainos pidäy olla enne Hristosan elavumizen pruazniekkua, kudamua pravoslavnoi kirikkö pruaznuiččou ezmäzenny pyhänpiän jevrielöin Pashan jälles. Tämä oli suurin syy sih, mikse pravoslavnoi kirikkö jäi elämäh julianskoidu kalenduarua myö, kudai noudau histourien tapahtumii.
Enne Äijiäpäiviä on 40 päiviä Suurdu pyhiä. Sen piduhus on luajittu sen kunnivokse, ku Iisus hiekkumuas olles pyhitti 40 päiviä. Nedälii enne Äijiäpäiviä ainos on Virboi. Virboin vičat roittih Äijänpäivän simvolakse Ven’al da vie erähis mualois, kus ei kazveta pal’mat. Erähis mua lois pal’mulehtien sijah ollah olivan da apel’siinan oksat, erähis – kuivat kukat. Sinä pyhänpiän Piästäi tuli Jerusalimah, da rahvas pal’mulehtil tervehtittih händy da pandih lehtii hänen dorogale. Se oli jälgimäine Hristosan mualline matku. Ielleh oli malittu Gefsimanskois savus, Iudan pettämine, Hristosan Ristah nuagliččemine da surmu.

PYHITTÄMIZEN AIGU
Niilöin tapahtumien kunnivokse jälgimäine Suuren pyhän nedäli on kaikis suurin da kovin pyhittämizen aigu. Uskovazien huomivo silloi on kiini Piästäjän tämänilmallizen elaijan jälgimäzis päivis. Tänä vuon se on sulakuun 29. da oraskuun 3. päivien välil. Suuri suovattu on oraskuun 4. päivy. Piättenčän olis parembi kaikkineh olla syömättäh, uskovazet juvvah vai yhty vetty. Ga yksikai tärgiembi on hengelline pyhittämine, omien riähkähizien mielien da himoloin voittamine.
Jogahizel ristityl pidäy mielenke ellendiä kai kiellot. Net, kel on jygei ruado, vai on huono tervehys, voijah olla pyhittämättäh, kirikkö sidä ei kiellä. Parembi on syvvä argie, migu rikkuo sobu ristikanzoin välis, konzu yksi suuttuu nällän periä, a toine on ylbei sentäh, ku maltau olla nälläs da ozuttau sidä toizil. Pidäy mustua segi, ku pyhittämizes ei tule tolkuu, ku kerras sen jälles ruveta syömäh razvastu da muudu argie. Nengoine pyhittämizen loppemine tuou vai pahua tervehyöl dai hengel. Pidäy mustua, ku kaikes pidäy pyzyö keskel, vallita moine miäry da kovus, kudai parahite sobiu täh pyhäh aigah.
Suuren pyhän jälles uskovazet ruvetah syömäh argie – maiduo, lihua, jäiččiä. Joga emändy luadiu enimät argisyömizet iče oman perehen tavoin mugah. Ga on syömizii, mit ollah Äijänpäivän simvoloinnu, da kudamii valmistetah juuri sinä piän. Net ollah jäičät, "pashat" da Äijänpäivän kakut. Niidy otetah Suurennu suovattannu kirikkölöih da "svätitäh", sit tuvvah kodih da čomendetah niilöil oman stolan da vuotetah pruazniekkua.

"PASHU" MUSTOITTAU MÄGIE
Rahvahan perindö kruassie jäiččii on kiini Marija Magdalenan nimes. Häi oli naizien keskes, ket oldih yhtes Hristosanke da hänen opastujienke. Se naine toi Rim-linnan valdijal viestin Hristosan kuondumizes kuol lieloispäi da oijendi kruasitun jäičän. Juuri sen jälles kogo muailmas kruasitah jäiččiä da pietäh sidä simvolannu – hengi on voittanuh surman. Perindö pastua ruahtos "pashua" on kiini Golgofan mäis, kudual Hristossu oli ristah nuaglittu da Piästäjän ruuhes, kuduan rahvas nähtih tyhjänny. Sikse "pashu" luajitah piramidan muodoh – se mustoittau mägie.
Kolmas Äijänpäivän syömine on Äijänpäivän kakku, ven’akse kulič. Se on suuren Artos-prosforan simvolu. Mostu pastetah manasterilois, sit svätitäh da pietäh kirikös, sen jälles leikatah palazikse da juatah uskovazile. Äijänpiän kaikis laukois on myödävänny tädä čomastu kakkuu. Manasterilois ollah tallel sen tahtahan ennevanhallizet retseptat. Artos-prosforu on Hristosan rungan simvolu, sidä pastetah sen mustoituksekse, ku Hristosan opastujat joga syömizen jälles stolale jätettih leibiä Piästäjäl da vuotettih, ku häi tulou heijällyö. Dai nygöi stolale pandu Äijänpäivän kakku mustoittau sidä, ku Hristos ainos on meijän keskes.

HRISTOS LUJITTI USKON IGÄZEH ELOKSEH
Ammuzis aijois Äijänpäivän sluužbua pietäh yöl. Se on jiännyh Vahnan zavietan tavoispäi sendäh, ku izrail’alazet ei muattu sinä yön, konzu piästih jegiptalazien orjukses. Papit kirikös vaihtetah suovattan valgiet ruutat da pannah piäle ruskiet pruazniekkuruutat. Enne keskiyödy kelloloin helineh andau tiediä, ku on lähenemäs Hristosan Elavumine. Sit papit tullah altarispäi da yhtes rahvahanke astutah kirikös ymbäri, kui astuttih naizet, kudamat tuldih Hristosan ruuhelluo. Tämä kävelendy kirikös ymbäri merkiččöy Kirikön Hristosal vastah astumistu. Sit kaikin azetutah salvas olijan kirikön uksen viereh, buite Piästäjän ruuhen tulenduveriän rinnal. Kelloloin iänet vaikastutah, papit pajatetah malittuloi, sit kolme kerdua kirratah net pyhät sanat, kudamat kuulutah sinä yön ymbäri Muas... Hristos on elavunnuh! Pappi ristiy kirikön uksen da kai rahvas ihastuksis mennäh kirikön sydämeh, kus ihastuksis ukatah toine tostu da pietäh pruazniekkusluužban. Ga Äijänpäivän pruazniekkua pietäh ei yhty päiviä, eigo seiččie, se jatkuu kogonastu 40 päiviä da piädyy Vozn’esen’n’ah. Se pruazniekku on luajittu Hristosan taivahah nouzemizen kunnivokse.
Äijänpäivän pruazniekku merkiččöy hengen voittuo da igästy elostu yhtes Hristosanke – muaspäi taivahah, hävittämizes da huiguamizespäi Jumalan nimen kuulužuoh da kunnivoh. Omal kuondumizel kuollieloispäi Iisus Hristos blahoslovi kaikkii da lujitti uskon ristikanzoin igäzeh elokseh.

"Kai, midä tahtonetto, ku rahvas ruattas teile, luajikkua työ heile." (Matfei 7:12)

Символы Пасхи

русский
"Христос умер за наши грехи..."
(1. Послание к коринфянам 16:13)
Для всего мира приближается самый большой праздник – время Христова Воскресения. Время празднования этого события у разных конфессий не совпадает, т.к. у православной и католической церкви разные календари. Одна живет по старому юлианскому, а вторая – по новому григорианскому календарю. Сейчас разница между ними составляет 13 дней. Чаще всего католики празднуют Пасху неделей раньше, изредка – раньше на четыре–пять недель.
Эта разница возникла тогда, когда Россия после революции начала жить по новому григорианскому календарю, а православная церковь отказалась на него переходить. На это у верующих была важная причина. Ветхозаветную Пасху, которая в иудаизме означает освобождение евреев из рабства египтян, праздновали уже 1500 лет до Рождества Христова. Этот праздник по календарю всегда должен быть раньше Воскресения Христа, которое православная церковь отмечает в первое воскресенье после еврейской Пасхи. Это является главной причиной того, почему православная церковь осталась верна юлианскому календарю, который соответствует историческим событиям.
40 дней перед Пасхой – время Великого поста. Его продолжительность соответствует сорока дням поста Иисуса в пустыне. За неделю до начала поста – Вербное воскресенье. Ветви вербы стали символами Пасхи на Руси и еще в тех странах, где не растут пальмы. В некоторых странах вместо пальмовых листьев чтят ветви апельсинового дерева, в некоторых – сухие цветы. В это воскресенье Спаситель вошел в Иерусалим и народ приветствовал его, устилая его путь пальмовыми ветвями. Это было последнее земное путешествие Христа. После него была молитва в Гефсиманском саду, предательство Иуды, распятие Христа на кресте и его смерть…
В ознаменование тех событий последняя неделя Великого Поста – это самое важное время и самый строгий пост. Внимание верующих в это время приковано к последним дням земной жизни Спасителя. В этом году (2025) он приходится на время между 29 апреля и 3 мая. Великая Суббота – 4 мая. В пятницу рекомендуется совсем не вкушать пищу, верующие пьют только воду. Но важнее – духовный пост, борьба со своими греховными помыслами и желаниями.
Каждому христианину необходимо разумно принимать все запреты поста. Тем, у кого тяжелая работа или слабое здоровье, можно не поститься, церковь не запрещает это. Лучше есть скоромное, чем нарушать мир между людьми, когда один зол от голода, а другой горд тем, что способен терпеть пост и показывает это другим. Надо помнить и о том, что от поста не будет толку, если сразу после него начать есть жирную и другую скоромную пищу. Такое завершение поста принесет только вред здоровью и душе. Стоит помнить, что во всем важно придерживаться середины, выбирать то количество и такую строгость приема пищи, которые лучше всего приемлемы в это святое время.
После Великого Поста верующие начинают вкушать скоромное – молоко, мясо, яйца. Каждая хозяйка большинство блюд приготавливает по традициям своей семьи. Но есть блюда, которые являются символами Пасхи и их готовят именно в этот день. Это крашеные яйца, "пасха", пасхальные куличи. Их несут в Великую Субботу в церковь и освящают, затем приносят домой и в ожидании праздника украшают ими свой стол.
Народная традиция красить яйца связана с именем Марии Магдалены. Она была среди тех женщин, что были вместе с Христом и его учениками. Эта женщина принесла хозяину города Рим весть о воскрешении Христа и преподнесла ему крашеное яйцо. Именно после этого во всем мире начали красить яйца и стали считать их символом победы духа над смертью. Традиция печь из творога "Пасху" связана с Голгофой, горой, на которой был распят Иисус Христос, и с его гробом, который люди увидели пустым. Поэтому "пасху" и пекут в форме пирамиды – она напоминает форму горы.
Третьим пасхальным кушаньем является Пасхальный кулич. Это символ великой просфоры Артос. Ее пекут в монастырях, затем освящают и держат в церкви, где режут на кусочки и раздают верующим. В день Пасхи во всех магазинах есть в продаже эта красивая выпечка. В монастырях сохраняются древние рецепты теста кулича. Просфора Артос – это символ тела Христова, ее пекут в ознаменование того, что ученики Христа после каждой трапезы оставляли на столе хлеб для Спасителя и ждали, когда он придет к ним. И по сей день Пасхальный кулич на столе – это напоминание нам о том, что Христос всегда с нами.
С древних времен пасхальная служба происходит ночью. Так повелось со времен Ветхого завета потому, что израильтяне не спали в ночь своего освобождения из египетского рабства. Священники в церкви меняют белые субботние ризы на красные, праздничные. Еще до наступления полуночи звон церковных колоколов возвещает о приближении Воскресения Христова. Из алтаря выходят священнослужители и вместе с народом обходят вокруг церкви, как шли жены, пришедшие ко гробу Христову. Это шествие вокруг церкви означает наш путь навстречу Христу. Затем все останавливаются у закрытых дверей храма, как бы рядом с закрытыми дверями гроба Спасителя. Умолкают колокола, слышна только молитва, и затем священнослужители трижды восклицают священные слова, которые в эту ночь слышны вокруг всей Земли… Христос Воскресе! Батюшка крестит вход в храм и христиане входят внутрь церкви, где целуются друг с другом и начинается праздничное богослужение. Но праздник Пасхи – это не один, и даже не семь дней, он продолжается целых 40 дней и завершается Вознесением Христовым. Праздник Вознесения отмечается в честь вознесения Христа на небеса.
Праздник Пасхи знаменует победу духа и жизнь вечную вместе со Христом – от земли к небесам, от уничтожения и уничижения к славе и почету имени Божия. Воскресением своим Иисус Христос укрепил веру христиан и благословил всех нас на жизнь вечную.
"Так, во всем, как хотите, чтобы с вами поступали люди, та́к поступайте и вы".
(Матфей 7:12)
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков