Тексты
Вернуться к списку | редактировать | удалить | Создать новый | История изменений | Статистика | ? Помощь
Meijän kluasan sportukiinnostukset
Meijän kluasan sportukiinnostukset
карельский: ливвиковское наречие
Новописьменный ливвиковский
Meijän
kluasas opastuu yksitostu brihaččuu da kymmene tyttösty .Voin varmah sanuo , ku jogahine heis ellendäy , mittuine tärgei on sportuičendu ristikanzan elaijas .Sendäh meijän kluasas sportuijah kaikin .
Tyttözii enimälleh kiinnostau luistelendu , keppikävelendy da juoksu .Myö tiijämmö , ku kävellä keppilöinke , juosta da luistellagi voibi joga vuvvenaigua .Sih niškoi meijän linnas ollah hyvät stadionat , sportulagevot da jiädvorču .Olemmo ylbiet sen täh , ku meijän kluasas opastuu kaksi tyttösty , kuduat ollah jo kuulužat sportuiččijat .Hyö kižatah jalgumiäččyh da kuulutah meijän školan neidizien jalgumiäččyjoukkoh .Mennytvuon tämä joukko voitti Ven’an školienvälizes jalgumiäččykilvas .
Meijän kluasan brihaččuloi enimälleh miellyttäy jiäkur’oi , jalgumiäččykiža da verkopezämiäččykiža .Enimät brihačut kävväh sportuškolah .Äijät heis kuulutah linnan sportujoukkoloih da ollah jo suurien sportukilboin ozanottajinnu .Sanakse , kai brihačut školan jälles da huogavopäivinny vie kižatah mainittuloih sportukižoih omis pihois yhtenigäzien brihaččuloinke .
Pidäy mainita segi , ku meijän kluasan nuoret talvel puaksuh hiihtelläh dovarišoinke libo omahizienke , kezäl hyö suvaijah uijella da ajella pyöril .Äijät školahgi tullah pyöräl libo astutah jallai .Kai tämä avvuttau pyzyö tervehenny , andau vägie da tuou hyviä mieldy .
Meijän kluasan sportukiinnostukset
карельский: ливвиковское наречие
Новописьменный ливвиковский