Тексты
Вернуться к списку | редактировать | удалить | Создать новый | История изменений | Статистика | ? Помощь
Olimpiadukižat
Olimpiadukižat
карельский: ливвиковское наречие
Новописьменный ливвиковский
Olimpiadukižat ollah
kuulužat kogo muailmas .Niilöi ruvettih pidämäh monii vuozisadoi tagaperin Muinas-Griekanmuas .Kižat suadih oman nimen Olimp-mäes da Olimpija-linnas , kudamas niilöi piettih .Enzimäzih kižoih suadih ottua ozua vaiku miehet .Olimpiadukižoin piendyaijakse azetutah kai voinutorat .Se on pyhä aigu .
Vuozisuan XIX lopus Olimpiadukižoi ruvettih pidämäh uvvessah .Enzimäzet kižat algavuttih Afiinois 6.sulakuudu vuvvennuu 1896.Nygöi Olimpiadukižoi pietäh kerran nelläs vuvves , vuorotellen talvi - da kezäkižoi .Talvikižoi jälgikerran piettih Kitais vuvvennu 2022, kezäkižoi – Japounies vuvvennu 2021.Ven’anmuas Olimpiadukižat oldih kaksi kerdua : Nevvostoliitos Moskovas vuvvennu 1980 oldih kezäkižat , Sočis vuvvennu 2014 oldih talvikižat .
Olimpiadan simvolannu on valgei flagu da viizi toine toizes kiini olijua eriväristy rengastu .Net merkitäh viitty mannerdu : Jevrouppua , Aaziedu , Amierikkua , Avstrualiedu da Afriekkua .Olimpiadan avuajazis nostetah Olimpiaduflagu da sytytetäh Olimpiadutuli .Olimpiadan salbuajazis flagu laskietah da tuli sammutetah .Olimpiadan avuajazet da salbuajazet ollah suuret da čomat tapahtumat .
Olimpiadan tunnussanoinnu on kolme latinalastu sanua "Citius , altius , fortius !", mi tarkoittau – "Teriämbäh , korgiembal , vägevembäh !"Nämmä tunnussanat oli hyväksytty vie vuvvennu 1894.Sulakuul vuvvennu 2021 Kanzoinvälizen olimpiadukomitietan toimehpaniikomitiettu on kannatannuh Kanzoinvälizen olimpiadukomitietan piälikön Thomas Bachan kehoituksen ližätä tunnussanoihvie sana – yhtes .Nygöi Olimpiadukižoin tunnussanoinnu ollah : "Teriämbäh , korgiembal , vägevembäh – yhtes !", latinan kielel se on "Citius , altius , fortius – communis !"
Olimpiadah tullah muailman parahat sportumiehet .Kilbailendu ozuttau , ken heis on raviembi , vägevembi , kestävembi da nerokkahembi .Parahat sportumiehet – Olimpiadan voittajat – suajah kuldu -, hobju - da bronzumedalit .Joga sportumiehele Olimpiadu on tärgei kilbu , kudamua vuotetah da kudamah hätken da hyvin varustutah .Kaikes muailmasgi se on vuotettavu sportutapahtumu .
Olimpiadukižat
карельский: ливвиковское наречие
Новописьменный ливвиковский