Тексты
Вернуться к списку | редактировать | удалить | Создать новый | История изменений | Статистика | ? Помощь
Meigäläine čempion
Meigäläine čempion
карельский: ливвиковское наречие
Новописьменный ливвиковский
F’odor Terentjev on
kuulužu karjalaine hiihtäi .Häi oli roinnuhes 4.ligakuudu vuvvennu 1925 karjalazeh pereheh Puadenen kyläs .Hänen tuattah da muamah oldih muanruadajat .Perehes oli yheksä lastu , F’odor oli roinnuhes seiččemendenny .
Vie školas opastujes F’odor Terentjev rubei sportuiččemah .Armies sluužijes otti ozua hiihtokilboih da sai enzimäzet voitot .Tämän jälles Terentjev voitti monis Karjalas piettylöis hiihtokilvois .Vuvvennu 1949 Terentjevua työttih Moskovah , kus häi rubei hiihtämäh Armien keskussportukluuban joukos .
F’odor Terentjev otti ozua Olimpiadukižois , muailman da Ven’an hiihtokilvois .Mies kolmetostu kerdua oli Nevvostoliiton čempionannu .Muailman hiihtäjien vaihtokilvas vuozinnu 1954 da 1958 Terentjev sai hobjumedalit yhtes Nevvostoliiton joukonke .A Olimipiadan talvikižois vuvvennu 1956 F’odor Terentjev rodih voittajakse vaihtokilvas da sai bronzumedalin hiihtomarafonas .
F’odor Terentjev on Nevvostoliiton arvostettu sportumuasteri .Tämä arvonimi hänel annettih vuvvennu 1956.F’odor Terentjevan mustopačas on azetettu hänen roindukyläs Puadenel da Petroskois Kurgan-hiihtokeskukses .
F’odor Terentjev kuoli 20.pakkaskuudu vuvvennu 1963.Händy pandih muah omah roindukyläh Puadenele .
Meigäläine čempion
карельский: ливвиковское наречие
Новописьменный ливвиковский