Тексты
Вернуться к списку | редактировать | удалить | Создать новый | История изменений | Статистика | ? Помощь
Ven’anmua
Ven’anmua
карельский: ливвиковское наречие
Новописьменный ливвиковский
Ven’a
on muailman suurin mua .Sen pinduala on enämbi 17 miljonua nellikkökilometrii , se on vähästy pienembi Suvi-Amierikan mannerdu .
Ven’anmua on sijoitunnuh Jevruazien pohjaspuoleh .Sen muat ollah Jevroupan päivännouzupuoles da Aazien pohjazes .Urualan mäet juatah Ven’anmuan Jevroupan da Aazien ozih .
Ven’al on rajua yheksäntostu muanke .Ezimerkikse , päivänlaskupuoles Ven’anmua rajoittuu Suomeh , Estounieh , Pol’šah , suves sil on raja Azerbaidžuananke , Mongoulienke , Kitainke .Ven’al on meriraja vaiku Japounienke da Yhtysvalloinke .
Ven’anmuan piduhus pohjazespäi suveh on enämbi 4000 (nelliä tuhattu ) kilometrii , levevys päivänlaskuspäi päivännouzuh on enämbi 10000 (kymmendy tuhattu ) kilometrii .Ven’an korgevin kohtu on El’brus-mägi Kavkuazal – 5 642 (viizi tuhattu kuuzisadua nellikymmen kaksi ) metrii .
Moskovu on Ven’anmuan piälinnu .Se on Ven’anvuan suurin linnu .Moskovas eläy enämbi 12 (kahtutostu ) miljonua hengie .Ven’anmuan toizekse suurin linnu on Piiteri .Se on Ven’anmuan luodehpuolen keskuksennu .Vuozien 1714-1728 da 1732-1918 aigah Piiteri oli Ven’anmuan piälinnannu .
Vien vallas on 12,4% (kaksitostu pilku nelläsvuitti ) Ven’an muadu .Ven’al ollah kaikis suurimat suolattoman vien varat .Baikal on Ven’anmuan suurin suolatoivezine järvi .Se on syvin järvi muailmas , sen syvin kohtu on 1642 (tuhat kuuzi sadua nellikymmen kaksi ) metrii .Ven’anmuan suurimat jovet ollah Lena - 4 400 (nelli tuhattu nellisadua ) kilometrii , Irtiš - 4 248 (nelli tuhattu kaksisadua nellikymmen kaheksa ) kilometrii , Ob’ - 3 650 (kolme tuhattu kuuisadua viizikymmen ) kilometrii , Volga – 3 530 (kolme tuhattu viizisadua kolmekymmen ) kilometrii .
Ven’a on rikas erilazil hyödykaivannoksil .Ven’al nostetah äijän neftii da suajah äijän luonnonguazuu .
Ven’an muat kuulutah arktizeh , subarktizeh , lauhkieh da ozittain subtrouppizeh ilmastopoujassoih .Suurin oza Ven’anmuadu on lauhkien ilmastopoujasan vallas .Kaikis lämbevin päivy Ven’al oli pandu merkile 12.heinykuudu vuvvennu 2010 Kalmikies – 45,4 (nellikymmen viizi pilku nelläsvuitti ) astettu lämmiä .Kaikis viluvin päivy ebävirrallizien tiedoloin mugah oli talvel vuvvennu 1924 Oim’akonas – 71,2 (seiččiekymmen yksi pilku toinevuitti ) astettu pakkastu .
Ven’al eläy enämbi 145 (sadua nelliäkymmendy viitty ) miljonua hengie .Ven’a on monikanzalline mua .Vuvven 2010 rahvahanluvun mugah Ven’al eläy enämbi 190 (sadua yheksiäkymmendy ) eri kanzua .Ven’alazet ollah enimistönny , heidy on enämbi 80% (kaheksuakymmendy )%.Ven’an kieldy maltau enämbi 99,4% (yheksiäkymmendy yheksiä pilku nelläsvuitti ) Ven’anmuan eläjis .Ven’an kieli on virrallizennu kielenny Ven’al , monis tazavallois da alovehil ven’an kielen ližäkse on vie toine virralline kieli .Ezimerkikse , Komin tazavallas komin kieli , Marin tazavallas marin kieli , Tatarstuanas tatuaroin kieli ollah virrallizinny kielinny ven’an kielen rinnal .
Ven’anmua on kuulužu matkailukohtu muailmas .Joga vuottu Ven’ale kävyy äijy turistua .Ven’an histourien , arhitektuuran da luonnon mustomerkit vietäh omah puoleh rahvastu .
Ven’anmua
карельский: ливвиковское наречие
Новописьменный ливвиковский