Тексты
Вернуться к списку | редактировать | удалить | Создать новый | История изменений | Статистика | ? Помощь
Karjalaine runoilii Vladimir Brendojev
Karjalaine runoilii Vladimir Brendojev
карельский: ливвиковское наречие
Новописьменный ливвиковский
Karjalaine
runoilii Vladimir Brendojev oli roinnuhes 6.syvyskuudu vuvvennu 1931 Anuksen piirin Sammatuksen kyläs .Školan jälles Brendojev opastui Belomorskan merimiehien opistos , sen loppiettuu kaksikymmen vuottu ruadoi merimiehenny kalastuslaivoil .
Omat enzimäzet runot Vladimir Brendojev kirjutti ven’an kielel školas opastujes .Vuvvennu 1972 Neuvosto-Karjala -lehteh painettih hänen kaksi enzimästy runuo livvikse .Hänen enzimäine runokogomus "Anusrandaine " nägi päivänvalgien vuvvennu 1980, a vuvvennu 1988 piäzi ilmah hänen kerdomuksien kogomus "Kylmil ".
Sen jälgeh nähtih päivänvalgien runoilijan kniigat "Hiilau huoli ", "Kadajikko ", "Sa armas olet ", "Runoja ", "Sana , kuultu muaman suus ", "Jättiä hyvä jälgi muale ".Händy – livvin murdehen tiedäjiä runoilijua – kučuttih ruadoh Kielen , literatuuran da histourien instituutan kielilaitokseh .Eläkkehele lähtiettyy Vladimir Brendojev muutti eländypaikan Petroskoispäi Anuksenlinnah .
Vladimir Brendojevan runolois ylen hyvin tunduu oman kodoimuan , oman rahvahan da oman kielen suvaičus .Brendojevua tundietahgi ven’ankielizien runoloin kiändäjänny .Häi oli kiändänyh Aleksandr Puškinan , Mihail Lermontovan , Sergei Jeseninan da toizien runoilijoin runoloi .
Vuvves 2001 algajen Anuksen piiris joga vuottu pietäh Vladimir Brendojevan mustole omistettuu runofestivualii "Täs synnynrannan minun algu ".
Karjalaine runoilii Vladimir Brendojev
карельский: ливвиковское наречие
Новописьменный ливвиковский