Тексты
Вернуться к списку | редактировать | удалить | Создать новый | История изменений | Статистика | ? Помощь
Joga talois omat tavat
Joga talois omat tavat
карельский: ливвиковское наречие
Новописьменный ливвиковский
Šakko , midä
työ tuatanke da muamanke suvaičetto ruadua joudoaijal ?
– Minun tuatto da muamo suvaijah kävvä meččäh .
Kezäl da sygyzyl myö kävymmö meččäh marjah da gribah .Tuatto tiedäy , kus ollah hyvät marju - da gribakohtat .Myö keriämmö must’oidu da vagoidu , buolua da garbaluo .Kävymmö sežo gribah da sieneh .Griboi myö kuivuammo , sienii suoluammo .Myö ylen äijäl suvaičemmo gribarokkua da suolattuloi sienii .
– A midäbo työ luajitto marjois ?
Šakko , et sanonuh sidä .
– Marjois myö keitämmö varen’n’ua , kiiselii , marjuvetty .
Vie muamo varustau buolu - da must’oikuaššua , pastau marjupiiruadu .Talvekse myö ainos kylmätämmö äijän marjua .Buolii myö piemmö vies , garbaloloi – vilus .Net keviässäh pyzytäh hyvänny .
– Šakko , a kävyttögo työ talvel meččäh ?
– Kävymmö .
Talvel myö kävymmö meččäh hiihtelemäh .Myö suvaičemmo hiihtellä .Vie talvel myö luistelemmo järvel da čuruammo regyöl mäis .
– A midäbo työ suvaičetto ruadua kois ?
Kižuattogo työ stolakižoih ?Toinah luvetto midätah ?
– Myö suvaičemmo lugie .
Muamo mielihyväl lugou runoloi da romuanoi , tuatto lugou žurnualoi , minä luven klassistu ven’alastu literatuurua .Vie myö tuatanke kižuammo jiäkur’oistolakižah da muamanke pastammo piirualoi da piccua .
– In’a , voizitgo sanella oman perehen perindölöis da tavois ?
– Argipäivinny meil ei puutu kaikil yhtel aigua syvvä huondesvero da murgin .
Ildazeksehäi myö ainos kerävymmö yhtes syömäh .Syömmö da taratammo kuulumizii , šeikuičemmo tulieloi ruadoloi da dieloloi ).Huogavopäivii , suovattoi da pyhäpäivii , ainos vietämmö yhtes .Yhtes ruammo kaikkii ruadoloi : kabrastammo pertilöi , keitämmö da pastammo , kävymmö ostoksile .Meijän perehes rodih perindöllizekse kylyn lämmitändy suovattan da piirualoin pastandu pyhänpiän .
– Löydyygo huogavopäivil aigua toizih ruadoloihgi ?
Sportuičettogo työ ?Toinah kävyttö meččäh ?
– Myö elämmö järvirannas , sendäh kezäl ainos kylvemmö kezoidu järves .
Tuatto vie sygyzyl kylyn jälles kävyy kezoile järvel .Kävymmö sežo kalah da suvaičemmo sovvella venehel järvie myöte .Talvel čuruammo potkuriloil jiäl da luistelemmo .
– In’a , mittumii pruazniekkoi työ suvaičetto pidiä ?
– Myö suvaičemmo Uuttu Vuottu .
Uvvekse Vuvvekse meile gostih tullah buabat da died’oit .Myö kaikin yhtes vastuammo Uuttu Vuottu .Pruazniekakse keitämmö magiedu syömisty da pastammo tortan , annammo toine toizele lahjat da piemmö iluo .
Joga talois omat tavat
карельский: ливвиковское наречие
Новописьменный ливвиковский