Тексты
Вернуться к списку | редактировать | удалить | Создать новый | История изменений | Статистика | ? Помощь
Topasjärvel
Topasjärvel
карельский: ливвиковское наречие
Новописьменный ливвиковский
Minun
died’oi on hyvä kalastai .Häi puaksuh kävyy kalah .Häi kalastau järvilöil da jogiloil .Häi panou verkoloi järvel , omas jogirannas ongittau da panou katiskoi da merežilöi .
Puaksuh minägi kävyn died’oinke kalah .Mennyt nedälil myö ajelimmo kalah Topasjärvele .Jo ammui tahtoimmo piästä sinne .Topasjärvi on suuri järvi , sen pinduala on kuuzi nellikkökilometrii .Topasjärvi on kalakas järvi .Järves on riäppöidy , ahvendu , haugii , särgii , lahnua , matikkua , kiiškoidu .
Topasjärvel myö olimmo yödy .Konzu tulimmo järvirannale , enzimäzikse azetimmo palatkan da laskimmo venehen viele .Siä oli hyvä , päiviä pastoi da ei tuulluh .Myö otimmo ongiruagat da lähtimmö järvele ongittamah .Myö ongittimmö rannas .Kala näykki hyvin .Myö saimmo riäppöidy , ahvendu da särgii .
Konzu lopimmo ongitandan , luajimmo tulen da rubeimmo keittämäh kalarokkua .Died’oi puhkai da pezi kalat .Minä kuoritin kartohkat da laukat , sit pilkoin net .Rokku rodih ylen magei .Minä ylen äijäl suvaičen kalarokkua verekses kalas .
Ehtäl myö died’oinke laskimmo verkot .Sit huondeksel kačoimmo net .Kalua puutui hyvin , sendäh kodih myö tulimmo hyväs mieles .
Topasjärvel
карельский: ливвиковское наречие
Новописьменный ливвиковский