Тексты
Вернуться к списку | редактировать | удалить | Создать новый | История изменений | Статистика | ? Помощь
Keitinpiiruat
Keitinpiiruat
карельский: ливвиковское наречие
Новописьменный ливвиковский
– Midäbo
sit pidäy keitinpiirualoih ?
– Pane hos puolilitrua maiduo , sit hos kaksi-kolme luzikkua kannatestu , siemenvoidu – kaksi suurdu luzikkua , suolua – pieni luzikku , soudua – vähäine , zuaharii – kui iče suvaičet , hos kolme suurdu luzikkua , yksi jäiččy . Enne peskuu ei pandu , ku ei olluh sidä .Nygöi voibi panna kaikkie .Jauhuo – ku sagei rodies , sit jo rubieu nägymäh .Enzimäi sevoita luzikal , sit stolal , kuni sagenou .Tahtahas azu vual’ušku , sit veičel leikua se palazikse .Palazet net puno käzien keskes , paina jauhoh da kiännäldä .Sit jo voibi ajella .Ku kuoret ei tartuttas , tahtas pidäy olla sagei .
– Äijygo palua rodieu nämmis jauholois ?
– Ga palua 25-30.
– A kuibo syväindy luajitah ?
– Syväin valmistetah tahtastu enne . Riisut keität enämbäs vies , sit pidäy net valuttua , huuhtuo vilul viel .Pane sinne kaksi keitettyy jäiččiä , vähäine peskuu , argivoidu da suolua .Tahtonet luadie talkunsyväin , viluh kipatkah sevoita talkunjauhot , pane vähäine voidu , peskuu , kui suvaičet , da suolua .
– Kui yhtistetäh keitinpiiruat ?
– Luzikan syväindy panemmo yhtel puolel kuordu , toizel kumuammo , sit bl’uudočkal pidäy ottua randu , a jälles näpitämmö rannat , ku hyvin tartuttas .
– Midäbo pidäy piirualoin keiteltes ?
– Čugunriehtil da siemenvoi . Voidu ei pie žiälöijä .Enzimäi pidäy kiehuttua siemenvoit .Sit jo piiruat voibi keitellä .
– Kuibo tiijustua , kypsygo piirai on vai ei ?
– Kaksin piirualoin ku panet riehtiläle , sit nostelet šorpikal , kačot , konzu ruskotah , sit voibi kiändiä toizele puolele . Ičegi näit , konzu kypsetäh , ei pie vai poltua .
– Kunne pannah keiteltyt piiruat ?
– Ku oli suuri juodu , sinnegi pandih . Da piettih lämmäs kohtas , ku ei terväh vilustuttas .
Keitinpiiruat
карельский: ливвиковское наречие
Новописьменный ливвиковский