Тексты
Вернуться к списку | редактировать | удалить | Создать новый | История изменений | Статистика | ? Помощь
Valentina Kondratjeva. Miikul-died’oi
Valentina Kondratjeva
Miikul-died’oi
карельский: ливвиковское наречие
Новописьменный ливвиковский
Ennevahnas
karjalazis hierulois puaksuh kaksi , kolme da nelli perehty lämmitettih yksi kyly .Joga taloi vedi oman halgoyskän , artelilleh kannettih vezi .Ken oli joudavembi , se lämmittigi , ližäili päččih halguo .
Dai kylyh käydih – ei kačottu ken on kylys , kenen pereh , naizet vai miehet .Ei huijusteltu , sanottih : "Kyly on kyly !"Ga enzimäzikse pestihes ruavahat da pienet lapset .
Sih niškoi meijän hierus hyvä oli lämmittiä suurdu Čubrin taloin kylyy , dai lämmittäi heil oli hyvä – Miikul-died’oi .Minä konzu näin händy astumas , ainos duumaičin , mindäh hänel on yhtes jalasl vai puuhine kandu .Da muga olin sih harjavunnuh , ga buitogu mugagi pidäy .
Minul oli suuri diivo , konzu muamanke tulimmo kylyh .Kylyn senčoin čupus minä dogadin vakki vešin .Muamal kyzyin :
– Mammi , mibo tämä ollou savakkoloi ?
– Älä koske , se on Miikul-died’oin jalgu . Häi jo pezehes kylys .
– A mikse jalgu on täs , ei pezei ?
– Se ei suvaiče kylbiekseh räkes . Kuule , kui Kat’a-buabo Miikul-died’oidu kylvettäy , kai kivet ročketah .
– Minä sežo en suvaiče kylbiekseh räkes , voizin täs istuo Miikul-died’oin jallanke .
– Työ Man’oinke vai lämbiettö laudazil , kuni myö Kat’a-buabanke pezetämmö da valatammo died’oin .
– A mindäh Miikul-died’oil on nengoine jalgu ?
– Tämä hänel on vieras . Oman häi kaimai vie Enzimäzel suurel voinal .
– Ielleh minä jo ičekseh duumaičin , kui suau kaimata oma jalgu ?
Miikul-died’oi
карельский: ливвиковское наречие
Новописьменный ливвиковский
–