Тексты
Вернуться к списку | редактировать | удалить | Создать новый | История изменений | Статистика | ? Помощь
Galina Baburova. ”Randaine”-ansambl’al zavodiše uz’ elo
Galina Baburova
”Randaine”-ansambl’al zavodiše uz’ elo
вепсский
Младописьменный вепсский
Täl
vodel ”Randaine ”-ansambl’ale täudui jo seičeme vot .”Randaižen ” ühtnikad keradasoiš kaks’ kerdad nedališ , komanz’päivän da sobatan , rahvahan kul’turkeskusehe . Ansambl’ om kuti üks sur’ kanz .Ühtnikad vastasoiš toine toiženke ihastusiš , starinoičeba ičeze holiš , hüviš uzištoiš da problemoiš .Ühtnikoid , kudambad kävuba kaiken aigan , om kümne mest .Ansambl’as om kaks’ mužikad-ki – Albert Soldatov i Jevgenii Markov .
”Randaine ”-ansambl’ tetas äjiš tahoiš . Ansambl’ ajeleb paksus külidme , tehleb sigä konsertoid , i kaikile kundlijoile sen tuleba mel’he pajoid .Oli ”Randaižel ” vaiše üks , no lujas sur’ problem – tähä vodhesai ei olend pämest , i nece lujas holestoti ühtnikoid , hö toivoiba , miše konz-ni tuleb uz’ mez’ , kudamb abutab heile .Toivoiba hö ei uhtei .Nügüd’ ansambl’al zavodiše uz’ elo .Azj om siš , miše ei lujas amu ”Randaižen ” ühtnikad tundištihe ühten noren naiženke , kudamb himonke hökkähti rata ansambl’as .
Aleksejeva L’udmila F’odorovna starinoičeb : «Täl vodel meidennoks tuli mez’ , kudamb opendaškanzi meid pajatada i kargaita .Ende mö ajelimoiš külidme : olim Kalages , Toižeges , Šokšus , Šoutjärves , Vehkojas .Meid kuctihe , miše mö tuližim i ihastoitim külänikoid koncertoil .Olim ihastusiš , miše kelle-se mö olem tarbhaižed .No meil ei olend mugošt pämest , kudamb radaiži meidenke .
A nügüd’ mö tundištimoiš mugoižen čoman norikaižen ristitunke .Kaik mö varastim necidä päiväd .Voib olda Jumal toi händast meile .Ansambl’an elos kaik tegihe toižeks .Meil om völ suremb himo pajatada .Nügüd’ ”Randaine ” om todesine sebr , i minä meletan , miše nece norikaine mez’ kut-se ozutab meid kus-ni .Hän sanui , miše nägeb , kut lujas mö tahtoim pajatada , sikš kaik linneb meil hüvin ».
Uden pämehen nimi om Gagarina Jelena Viktorovna , hän lopi Piterin kul’turakademijan .Nügüd’ hän tundištase vepsän kul’turanke i pagižeb , miše se om lujas mel’he hänele .Jelena Viktorovna sanub , miše ”Randaižen ” pajon - da kargun stil’ vajehtase .Nügüd’ nece linneb ani toine ansambl’ , kudambas om kaičenus kut vepsän tradicijoid , muga ližadase äi nügüdaigaižid azjoid .Avtoranpajoiden ližaks ansambl’ pajataškandeb vanhoid , läz kadonuzid jo pajoid , miše kaita arvokast vepsän kul’turad .
Jelena Viktorovna sanub : «Ei lujas amu mindai kuctihe radmaha tänna , miše abutada ansambl’ale .Tedištin , miše ”Randaižel ” ei ole pämest , i minä hökkähtin opeta pajanikoid .Mö el’gendam toine tošt , meil om ühtejiččid tahtoid .Ansambl’anke mö ladim sidotada pajo kargunke .Toivon , miše kaik linneb meil hüvin ».
Ansambl’an gruppas om äi ühtnikoid , kudambad pajataba siš ezmäižes päiväspäi , konz ansambl’ oli tehtud .Heiden keskes om Nina Nikolajevna Nazarova .Hän lujas navedib pajatada .Nina Nikolajevna sanub , miše hän kävub surel tahtol repeticijoile .Ansambl’an ühtnikad hänele oma kuti heimolaižed .Pajanikoile uz’ pämez’ om mel’he .I hot’ kodiš om ičeze holid , ”Randaižen ” ühtnikad löudaba aigad kävumaha repeticijoile .Uz’ norikaine pämez’ sünduti heiš uzid vägid i toivoid .Ansambl’al planoiš om äi koncertoid .Vajehtused ”Randaižen ” ühtnikoid ei pölgästoitkoi .
Tahtoižin toivotada , miše kaik ansambl’an planad todenzoitase eloho .A nenile , kel om taht pajatada da kargaita , tahtoin sanuda – tulgat repeticijoile , ”Randaine ” ihastusiš varastab da vasttab kaikid , kenel om melentartust vepsän kul’turaha .
”Randaine”-ansambl’al zavodiše uz’ elo
вепсский
Младописьменный вепсский