Тексты
Вернуться к списку | редактировать | удалить | Создать новый | История изменений | Статистика | ? Помощь
Omenaisen Ol'ga. Läksimä myö kerran kalalla
Omenaisen Ol'ga
Läksimä myö kerran kalalla
карельский: собственно карельское наречие
Новописьменный севернокарельский
PENTTURINPITUNI HAUKI
Še tapahtu Akonlahešša .Huoti ta Väinö kalaššettih rikeneh Hukka-järvellä .Melkein joka ilta käytih .Šoutua piti loitoš , ta hyö välillä vajehettih toini toista , enšin yksi šoutau , toini peräššä , šiitä toini šoutau , enšimmäini peryä pitäy .
Tuaš kerran miehet lähettih kalalla .Uistimet lašettih veteh ta hil’l’oikseh šouvellah .Yhtäkkie molompih uistimih nykäsi .Kalaštajat enšin arveltih , jotta ne hakoh tartuttih , ka kelat ruvettih liikkumah .
– Täššä on liijan šyvä , varmašti kalat puututtih , smekni Väinö .
Miehet niitä keloja punomah , ka voimua še vuatiki !
Punottih , vejettih .Yksi jo piäsi irti .Väinö toista uissinta veti lähemmäkši , ka šielä šuuri hauki piehtaroiččou .Häjin tuškin šuatih še veneheh noštua .
Näillä kalaštajilla oli šemmoni tapa , jotta hyö aina mitattih kaloja pentturin mukah , niin himotti šuaha pentturinpituni kala .Šamoin ni tällä kertua luajittih .
Šiitä jo jälelläh meinattih lähtie , ka enšin piätettih vajehtua paikkojah .Väinö nousi ta hairivošša tallasi hauvin hännällä .A šehän oli lipie , še häntä , ta hiän luiskahti , tarttu pentturista , ka še niise oli lipie , kokonah liimašša , kun haukie mitattih .Niin hiän ni pučkahti järveh , toini tovarissa ei kerinnyn ni šilmie räpšähyttyä .
Väinö nousi veneheh toisešta piäštä umpimärkänä , istuutu pentturilla ta rupesi nakramah :
– Vot šiula i pentturinpituni hauki !
A hauki še oli tosieh šuuri , kun miehet tultih rantah ta viessattih , ni šiinä painuo oli 10 kiluo 100 grammua .
SKOKUNOJAKO HERKKURUUVVAKŠI
Huoti ta Väinö kalaššettih Jakojärvellä .Lašettih verkot ta lähettih ajamah jälelläh .Ajetah ta kačotah , kun lahešša vesi niin ni kuohuu , niin ni kuohuu .Heti hokšattih : "Täštähän kalua tulou hoš kuin äijän , kun vesi noin kuohuu ."
Heilä oli vielä jiänyn veneheh eryäš verkko ta hyö ne pissettih šiih paikkah .Šiitä hyvillä mielin lähettih kotih ajamah :
– Huomena šuamma kalua täyvet verkot !
Huomenekšešta aikaseh lähettih noštamah verkkoja ta enšimmäkši šillä paikkua ajettih .Noššettih , ka a-voi-voi , täyvet verkot ollah skokunoja .Šiitä vašta miehet arvattih , jotta še vesi noin kuohu , kun skokunat šiinä villittih .Ka oli miehillä šiitä työtä , kuni šuatih nämä verkot puhistua skokunoista .
Läksimä myö kerran kalalla
карельский: собственно карельское наречие
Новописьменный севернокарельский
–
–