Тексты
Вернуться к списку | редактировать | удалить | Создать новый | История изменений | Статистика | ? Помощь
Matero Vera . Kalaštaja Okahvien Man’u
Matero Vera
Kalaštaja Okahvien Man’u
карельский: собственно карельское наречие
Новописьменный севернокарельский
Heinäkuun
14.päivänä Venäjällä pietäh Kalaštajan päivyä .Pruasniekan kynnykšellä tahon kertuo omašta ämmöštä – taitajašta kalamieheštä Okahvien Man’ušta .
Miun ämmö Antipina Okahvien Man’u oli kotosin kaunehešta Pirttilahen kyläštä , mi šijoutuu Ylä-Kuittijärven hiekkarannalla .
Pirttilahešša ennein-vanhah pyyvvettih äijän kalua , ta šiitä vietih omua pyyvvyštä myötäväkši toisih kylih ta äšen Šuomeh šuaten .Pitin talvet pirttilakšilaiset pyyvvettih mattikua , a toisien kylien eläjillä tuli kajeh ta hyö annettih kylällä Maksalilli-haukuntanimi matikan makšan mukah .
Pirttilahešša toimi Zar’a-kalaššušartteli .Šen kalamiehet pyyvvettih talvisin kalua ryšillä , a kešällä verkkoloilla .
Okahvien Man’u lapšešta šuati oli opaštun kalaššukšeh šekä šuatto kutuo ta paikata verkkuo .Šiitä Man’u opašti täh taitoh omie lapšie ta punukkoja .
Kalua šäilytettih talvekši : šitä šuolattih ta kuivattih kavakši .Kavašta tulou hyvä rokka (mie oikein tykkyän šiitä kaparokašta ).
Tai konša myö kešällä olima verkkoloilla ämmön kera , ni hiän aina šano jotta :
– Pyhä Petri , anna kalua !
Koista lähtien kalalla ämmö Jumalua moli , jotta verkkoh tulis kalua .A konša järveštä lähettih jiät , ni piti heti piäššä kalalla , jotta šuaha haukie kuivakši .Ahvenet šuolattih kevätiksi – še oli hyvä ruoka .Täššä ämmö niise juohatti , mitein pitäy šuolata korvoh .
Konša enšimmäisen kerran istuvvuit veneheh , ni piti peššä šilmät järven vejellä , šiitä vašta ruveta šoutamah .
Tai konša tulit kalalta ta šait kalua , ni enšimmäiseštä kalaššukšešta ei šuanun antua kalua kenelläkänä , piti tuuvva kaikki pyyvvyš kotih .
Šykyšyllä pyyvvettih šiikua ta mujehta , mäntih kalaštamah meččäkämpillä monekši päiväkši .
Nyt myö pyyvvämmä kalua ta kuivatamma šitä kavakši , ta luajimma kaikki šamoin , kuin meitä opašti ämmö .Hänen anšijošta šuatamma oikein šiivota , kuivata ta šuolata kalua .Tämä on oikein hyvä muisto ämmöštä tai omista vanhemmistaki .
Kalaštaja Okahvien Man’u
карельский: собственно карельское наречие
Новописьменный севернокарельский
–