Тексты
Вернуться к списку | редактировать | удалить | Создать новый | История изменений | Статистика | ? Помощь
Balakirev Nikolai. STUANOVOINE. 7. Kyndäjät
Balakirev Nikolai
STUANOVOINE. 7. Kyndäjät
карельский: собственно карельское наречие
Новописьменный тверской
Šinä
vuodena kežä oli kuiva .Kyndiä kežanduo nikonža eu kebie , a kuivalla aijalla vanhoilla vammistunnuloilla hebozilla – yksi vaivaš .Van’a pani hebozilla kagloih kežä länget , i lähtei Vas’anke raččahilla peldoh .Šielä vergan vavošša jo šeizo pluuga .Huomnekšešta vielä i mäni ruado , a läššemmä puoleh päiväh hebozet ruvettih heittämätöin pietteliečömäh .Vas’a heidä ruoššalla plaijutti , pravda , omua tovarissua Johorkua naroš ožuali , štobi ei obiedie , a haukku enämmän čem Komua : а kun Van’a kekšiy , što hiän Johorkua žualivoičou .Konža hebozet ynnäh pietyttih , hot’ Vas’a i muattieči i kočči ymbäri .Van’alla ei šuan tirpua :
– Šie ajat hebozie , ali vain silittelet ruošalla ?!Työnnettih miun niškah lapšen (Vas’a oli viittä vuotta nuorembi Van’ua ).Ana tänne ruoška !Pyzy pluugašta !
Vas’a ottuači pluugan ručkista , a Van’a napri sn’auvuttua hebozie ruošalla .Hebozet rabuačettih vähiä ei hypyllä .Pluuga vil’kni vavošta randah .Vas’a langei vagoh , i pluugan varret kirvottih hänen käzistä .Hebozet čuilahettih randah i rahikšet šeguočettih .
– Midä brekotat ? – ravahti Van’a Vas’alla , – Tule šellittämäh rahikšie . Šellitettih , tuaš pluugan pyzytettih vagoh .Van’a šido ohjakšet pluugah , käški Vas’alla lujemma pyzyö varžiloista , a ičeh rubei hebozie vedämäh pouvašta .Ne kodvazen mändih Van’alla jällesti , ušto varattih : pietyt – tuaš ruoškua molit .Odnua viät heilä väliän ynnäh loppiečettih , i hebozet tuaš šeizauvuttih , nykšalleh riputettih piät , šäpšät jalloilla šäristih .Min Van’a ni d’orgaičči hebozie , min ni pergi – raukat ei trogniečettu .Van’a ših rukah zviereydy , nin , kun hukka rabuači Johorkan turbah i rauškai hambahilla alimmazešta šäräjäštä huulešta .Johorka n’uupistu , vatkai piällä i tuaš riputti turvan .Pehmiellä hebozen huulella ožuttuači veri tilkane , kumbane hil’l’akkazeh šolahti alah i langei vagoh , muah .Van’a peitti ihon pinžakon polah istuoči edeh hebozilla .Istu kyndävöllä lekahtamatta , vain kaijat hardiet šäristih .Vas’an šilmistä viirattih kyynelet .Pellon piällä helhotti čirone .Tuuli ei holnin .Ymbäri hebozista pyörittih rojulleh kärbäzet , hebozet ei kehaten häimytettih hännöillä .I kyndäjä , i hebozet , i šiä tyynissyttih , i vain n’uakat torattih šättä madoloin tuačči vašta kynnetyöllä puašn’alla .Kodviin jälgeh Van’a paukahti Vas’alla :
– Midä šeizot ?Piäššä val’kat pluugašta .Aššu kodih !
– Emmä min go tule kyndämäh murginan jälgeh ?
– Andannou brigadira toizet hebozet – tulemma , – burahti Van’a .
Vas’a ei nimidä šanon , vain iččien näh duumaičči : mistä brigadira ottau parembua hevos’t’a .
STUANOVOINE. 7. Kyndäjät
карельский: собственно карельское наречие
Новописьменный тверской
–
–