Тексты

Вернуться к списку | редактировать | удалить | Создать новый | История изменений | Статистика | ? Помощь

Kosthine Anna . Planuitihe matkad tulijaks aigaks

Kosthine Anna

Planuitihe matkad tulijaks aigaks

вепсский
Младописьменный вепсский

Vodel

2024 "Baltianmeren suomalaižiden

rahvahiden

liga

" tegeb

"FUMM. Suomalaiž-ugrilaižed

norišton

matkad

"-projektan

. Nece

projekt

sai

rahatugen

, sikš

miše

vägesti

Karjalan

Valdkundan

Pämehen

grantoiden fondan

konkursas

. Projektan

päpartn’or om

"Kiži"-muzei

.

"FUMM"-projektan

pätegend

om

ühtenzoitta

suomalaiž-ugrilaižen

norišton

ezitajid

da

meiden

man

aktivistoid

i

ezinikoid

. Projektan

tegemižen

aigan

om

tärged

süvenzoitta ühtnikoid

ičeladuižehe

rahvahiden

kul’turümbrištoho, a

mugažo

kehitoitta

opendajiden

mahtoid

.
Sulakuspäi

heinkuhusai

projektan

pämez’

da

tetab

kundaline

radnik

Anna

Anhimova, kudamb

om

vepsläine

, vastsihe opendajidenke

erazvuiččiš

Venäman

regionoišpäi. Hän

tahtoi

vaumištada

heid

projektan

päazjtegoihe: "Rahvahan

škol

" -openduzsessijaha (30. heinkud

– 4. elokud

) da

"Norišt

. Kehitoitandan

sijad

" -konferencijaha

(11.–13. sügüz’kud

).
Ani

tombai

Kiži-sarel om

lopnus

"Rahvahan

škol

" -openduzsessii, mitte

jatksi

nedalin

da

mičcehe ühtni

12 mest

kudespäi

Venäman

suomalaiž-ugrilaižies regionaspäi. "Rahvahan

školan

" pätegend

om

antta

ühtnikoile

voimuz

starinoita

ičeze

idejoiš

da

projektoiš

, miččed

abutaba

norištole

enamba

kehitoitta

suomalaiž-ugrilašt

mirud

. Openduzsessijan ühtnikad

möhemba

linneba

projektan

opendajin

da

opendaba

toižid

aktivistoid

suomalaiž-ugrilaižiš

regionoiš. Vepsläižišpäi

projektaha

ühtniba

Anastasia Jevtušenko, Gleb Fomin

, Kristina Timina da

Tatjana Sergejeva.
"Rahvahan

škol

" mäni

ani

Kiži-sarel, kus

ühtnikad

tundištihe

muzejan

radonke

, kacuiba

käzitöiden

mastariden

radoho

, hilläšti

süveniba

Zaonežjen röunan

londusehe

. Openduzmaterial oli

lujas

bohad, tetabil

"Kiži"-muzejan

radnikoilpäi

ühtnikad

saiba

levedoid

tedoid

da

tarbhaižid mahtoid

, miččid

hö

veiba

kerdale

da

toivotiba

kävutada

ičeze

tulijas

rados

. Sen

ližaks

, nored

aktivistad

kävuiba

saren

"Kižin regata

" -päpraznikale da

tundištihe

venehiden

i

laivoiden sauvondan

tradicijoidenke

, a

mugažo

nägištiba

kižanka-venehen da

vepsläižen

venehen

.
Kaik

"Rahvahan

školan

" ühtnikad

oli

jagetud gruppoihe

. Nedalin

aigan

hö

kehitoitiba

ičeze

idejad

, miččed

koskiba

Kiži-saren vepsläižen

polen

paremboitust

. Edeline

mahtišt

, kosketuz

da

tugi

abutiba

ühtnikoile

tehta

koume

ut

projektad

: "Vepsläižed

kucuba

... Kiži-sarele", "Vezi

~ Ba" (tematine

ekskursiiprogramm) da

"Sarn

" (sarnaline

varastamatoi

azj

).
Openduzsessijan nedalin

aigan

vepsläižed

, karjalaižed

, seto, hanti, komi-permiläižed da

mari löuziba

kümenikoid

heimolaižid

sanoid

, ühtejiččid

tarkkohtid

veroiš

, tradicijoiš

da

elonveros

. Kaikutte

ühtnik

starinoiči

ičeze

mahtištos

, mitte

koski

suomalaiž-ugrilaižen

ühthižtön

kehitoitandad

.
"Rahvahan

školale

" oli

anttud

ani

oiged

nimi

. Ühtnikad

tundištihe

irdmuzejan ozutelusidenke

, nägištiba

läz

80 pu-arhitekturan objektad

. Hö

ühtniba

tematižihe

mastar’-klassoihe

, miččed

vediba

muzejan

radnikad

, kaikuččel

ehtal

hö

tegiba

sädaitegendoid da

jagoihe

toine

toiženke

ičeze

tedoil

, meletusil

i

kaikid

melentartuižimbil idejoil

.
Openduzsessijan "magukahaks

istorijaks

" tegihe

tundištoituz

kaikuččen

rahvahan

keitändladun

erigoičusidenke

. Kiži-sarel Ber’ozkinan pertiš

ühtnikad

ezmäižen

kerdan

keitiba

suomalaiž-ugrilaižen

piccan, miččen

täht

hö

toiba

sömtavaroid

ičeze

lidnoišpäi

da

külišpäi

. Mugažo

hö

mujiba

"Kižin lent

" (siš

om

koume

kerdad

enamb

kalad

) da

"Kižin hormheinčajud". "Rahvahan

školan

" lopus

kaik

ištuiba

suren

stolan

taga

da

mujiba

vepsläižid

i

karjalaižid

kalitkoid

, veronmugoižid pirgoid

vävule

, karjalašt

maimkeitost

, komi-permiläižen receptan

mödhe

tehtud

babukmöukud, vepsläšt

babarmkeitost

, jamal-nenciden pränikad da

kolbasad pedran

lihaspäi

!
Spasiboičem

"Kiži"-muzejan

pämest

Jelena Viktorovna Bogdanovad siš

, miše

hän

om

tugedanu

"Rahvahan

školan

" idejan

, da

kaikid

muzejan

radnikoid

abus

i

openduzsessijan ühtnikoiden

lämäs

vasthaotandas

.
"Rahvahan

škol

" -openduzsessii om

tehtud

"FUMM. Suomalaiž-ugrilaižed

norišton

matkad

" -projektan

aigan

Karjalan

Valdkundan

Pämehen

grantoiden fondan

rahatugel

.