Тексты
Вернуться к списку | редактировать | удалить | Создать новый | История изменений | Статистика | ? Помощь
Karmanov Vladimir . Petrovič
Karmanov Vladimir
Petrovič
карельский: собственно карельское наречие
Новописьменный севернокарельский
Ruatuas’s’a
nuorena hirurkina Šuojärven pol’ničašša jouvuin opaštumah liäkärinhomman viisahukšie praktiikalla vuorokauven ympäri šeuruššellen eri liäketiij ollisien ammattien kollegojen kera .
Erikoisen šuuret psihologiset ta diagnostiset vaikehukšet tultih vaštah , konša šeuruštelin pienimpien potilahien , lapšien kera .Toičči oli mahotointa paissa lapšen kera , kerätä tarvittavua tietuo .Ta i konša lapšella on kova kipu , kyynälie on enämpi kuin tietuo .A erehtyö lapšien kera ei šua !Psihologisešti himottau auttua lašta , ta i laki ei prosti erehykšie .
Kirkkahana henkilönä ta liäkärintietojen šäilyttäjänä oli Šuojärven piirin piäpediatri Jurii Petrovič Vološin .Meijän kešen kunnivolla šanoma häntä Petrovičiksi .Hiän oli yhtäaikua ankara , viisaš ta hyvä !Hiän aina oli valmis tulla apuh !Vuorokauven ympäri šai kuččuo hänet käršijän lapšen luokše , ta hänen piätöš aina oli korkiešti ammatillini ta viisaš .Hiän pelašti niin äijän , jotta ei voi muissella !Miun lisäkši hiän autto toisie !
Työpäivän lopušša Šuojärven piirin piäpol’ničan vaštahotto-ošaštoh vanhemmat tuotih kolmevuotini lapši .Simptomit muissutettih äkillistä umpišuolen tulehušta .Vanhempien ta lapšen kera oli heijän omahini , Leningradin sanitaris-tervehyšopillisen instituutin pediatrijan laitokšen professori .Hiän jyrkäšti vuati vaikieta leikkaušta .
Tarkaššukšen aikana erähät simptomit ei viitattu äkilliseh umpišuolen tulehukšeh .Virallista n’euvotteluo varoin pol’niččah kučuttih Jurii Petrovič .Hiän tarkašti lapšen , tutki hänen tarkaššukšen tietoja , erittelyjä ta šuositti , jotta kolmen tunnin aikana lašta tarkkual’tais ta pissettäis heikkoja spasmolittija .Hiän ei ollun varma , jotta lapšella oli äkillini katastrofi vačašša .
Professori hermoštu , vuati šairaušistorijua ta luati oman kirjutukšen kiirehellisen leikkaukšen pakošta .Tilanneh tuli jännittäväkši .Kiirehelliseh n’euvotteluh kučuttih piirin pol’ničan piäliäkäri .N’euvottelušša ehotin professorilla auttua milma leikkaukšešša , još hiän vuatiu šitä .
Professorin nuaman ilme muuttu .Hiän kieltäyty ta viittasi šiih , jotta kolmen tunnin piäštä hiän lähtöy Leningradih .
Piättimä pistyä lapšella spasmoliittija ta muutoman tunnin aikana tarkkual’l’a häntä .Još lapšen kunto ois pahennun , olisima luatin leikkaukšen .Professori mäni pois ta lupasi šoittua Leningradista enši huomenekšena .
Muutomašša tunnissa lapšen kunto pareni , illalla hiän jo juoksi toisien pienien potilahien kera ošaštuo myöten .Illalla myö šoittima vanhemmilla , šelittimä tilantehen : kivut hävittih , vointi on hyvä , ka myö ehottima jättyä lapšen ošaštoh šilmälläpivolla .Vanhemmat šuoššuttih .
Huomenekšella Leningradista šoitti professori ta kyšy , missä on lapši .Mie vaštasin , jotta lapši on valvonnanalani , leikkiy ikäkaverien kera ošaššošša .Professori šiänty , jotta leikkauš ei ollun luajittu hänen šuositukšien mukah ta lupasi meilä vaikehukšie .
Tovella tunnin piäštä Šuojärven pol’ničan piäliäkärillä šoitti Karjalan tervehyšhoitoministeri .Ka šuatuo tietyä , jotta iče piäliäkäri ošallistu n’euvotteluh , ta jotta lapši näytti terveheltä , ministeri kyšy välittyä liäkärilöillä kiitollisutta ta olla hellempi piäkaupunkin professorien kera .
Šemmosie juttuja oli tosi äijän .Petrovičin viisahuon ta avun anšijošta lapšilla aina asienmukasešti autettih , kaikki piätökšet tarkkah aivotettih .Hiän aina autto liäkärijä omin voimin .Tärkein on še , jotta häntä tykättih vanhemmat šekä lapšet .Yhtehiseššä tarkaššukšešša oli vesselä nähä , kuin pienet potilahat joukoin aššuttih hänen peräh .
Konša mie lopetin ordinatuurin ta meinasin jättyä Šuojärven , vain Petrovič iloštu miun puolešta , šepyäli miut ta toivotti hyvyä ruatuo uuvvešša paikašša .Hänen šanat oltih kuin pyhä plahosloven’n’a !
Petrovič
карельский: собственно карельское наречие
Новописьменный севернокарельский