Тексты

Вернуться к просмотру | Вернуться к списку

Uško ta ruavot

История изменений

11 ноября 2024 в 12:41 Нина Шибанова

• создал(а) текст
• создал(а) перевод текста
• создал(а) текст: ¹⁴ Vellet, mitä hyötyö šiitä on, kun ken šanonou, jotta hiän uškou, a ičelläh ei ole ruatoja. Voisko šemmoni uško pelaštua hänet? ¹⁵Kun šiun vellellä tahi sisärellä ei olle vuatetta eikä jokapäiväistä ruokua, ¹⁶ niin mitä virkua ois tiän šanuo: «Mänkyä rauhašša, šuoriutukkua lämpimäšti ta šyökyä hyvin»? Eikö tiän pitäis antua heilä šitä, mitä hyö elyäkšeh tarvitah? ¹⁷Šamoin voit ušoštaki šanuo.^ Kun työ vain uškonetta ettäkä ruatane mitänä, tiän uško on kuollut. ¹⁸ Nyt kennih šuattau šanuo: «Šiula on uško, miula ruavot».^ Šiih mie šanon: «Näytä šie miula oma uškoš ilmain ruatoja, a mie näytän šiula ušon omilla ruatoloillani». ¹⁹Šie ušot, jotta on vain yksi Jumala.^ Oikein ruat!^ Piessat niise ušotah še ta niin varatah, jotta vapissah. ²⁰Ka etkö šie, tyhjänpäiväni ihmini, taho tietyä, jotta ilmain ruatoja uško on kuollut. ²¹Eikö miän kantatuatto Aprahami kelvannun Jumalalla omien ruatojen takie, kun hiän vei poikah Issakan uhriksi alttarilla? ²²Niäthän šie, jotta Aprahamin uško ta ruavot kuulutah yhteh: ruatojen kautti uško tuli täyvekši. ²³ Ta niin täytty Pyhien Kirjutukšien tämä šana: «Aprahami uško Jumalua, ta šentäh hiän kelpasi Jumalalla».^ Näin hiän šai nimekši Jumalan tovarissa. ²⁴ Niättäkö nyt, jotta ihmiseštä tulou Jumalalla kelpuaja ruatojen takie, ei yksistäh ušon takie. ²⁵Eikö šamoin iččieh myöjä naini, Raava kelvannun Jumalalla omien ruatojen takie, šentäh kun otti tiijuštelijat luokšeh ta autto heijän puata toista tietä. ²⁶Niin kuin runko ilmain henkie on kuollut, šamoin on uškoki kuollut ilmain ruatoja.