Тексты
Вернуться к списку | редактировать | удалить | Создать новый | История изменений | Статистика | ? Помощь
Železnova Maria . Uded videorolikad udeks vodeks
Železnova Maria
Uded videorolikad udeks vodeks
вепсский
Младописьменный вепсский
Kaikutte
"Kuki-rikku "-žurnalan prezentacii om todesine praznik lapsiden da vanhembiden täht .Vastusel lapsed vändaba , nagraba , hüväl melel muštleba sjomkoid , joba čajud magedusidenke da saba lahjoid .Lapsed pit’kha varastiba vaumhed rolikad i ihastusiš kacuiba niid - homaičiba ičtaze ekranal .
"Kuki-rikku " om jumoristine videožurnal lapsiden täht . Se om ilokahid istorijoid lapsiden elospäi .Ned oma školan openikoiden polhe , kanznikoiden , sebranikoiden kosketusiš , lapsiden holiš i meliš , heiden ihastusiden da problemoiden polhe .
"Kuki-rikku " pästtas ühten kerdan vodes – eloho lähteb kaks’ žurnalan nomerad .
Kaikuččes nomeras om koume rolikad .Kaik ned om vaumištadud Karjalan rahvahiden kelil : karjalan kelen pohjoiž - i livvin paginal da vepsän kelel ."Kuki-rikku " pästtas jo nel’l’ vot , i necil vodel om tehtud jo seičemenz’ da kahesanz’ videožurnalan vipuskad .
"Kuki-rikku "-žurnalan artistad oma lapsed – kut ani pičuižed , muga vanhembad-ki . Necil vodel sjomkoihe ühtni 15 last .Kaikid penembile lapsile om nel’l’ vot , vanhembale – 15.Sjomkoiden täht kaik lapsed vaumištihe aigvodhe : openziba sanoid , valičiba sobid , kävuiba repeticijoile .Lapsidenke radoiba kino - da teatrohjandajad , kudambad openziba heid oikti pagižmaha kelel , hüvin sanumaha ičeze replikoid , čomin ozutamha rolid .
"Kuki-rikkud " tegeb sur’ professionaloiden sebr : kino-ohjandai Julia Potahina , kameramez’ Igor’ Arehovskii , teatran ohjandai Darja Grečana , scenarijoiden kirjutajad , projektan avtorad da tegijad Maria Šašina da Galina Baburova . Kadran taga-ki om radnikoid – änen ohjandai , muzikantad , grafikan tegijad , kändajad , opendajad da äjad toižed .Heid ühtenzoitab üks’ azj – hö paneba henged sihe , miše uz’ videožurnalan vipusk oliži melentartuine da oliži mel’he lapsile .
Täl vodel sjomkad mäniba kezal da sügüzel .Istorijad oma ani erazvuiččed – ilosižed školan openikoiden istorijad , vesläd lapsiden vändod da paginad , kosketused vanhembiden da lapsiden keskes .Kut sanutas – "Paremba ühten kerdan nähtta , mi sadoid kerdoid kulištada "."Kuki-rikku " rolikad voib kacta Internetan kal’t VKontaktelehtpolel .
"Kuki-rikku "-videožurnal tehtas Karjalan rahvahaližen da regionaližen politikan ministerstvan rahatugel .
Uded videorolikad udeks vodeks
вепсский
Младописьменный вепсский