Тексты
Вернуться к списку | редактировать | удалить | Создать новый | История изменений | Статистика | ? Помощь
Nadežda Fokina. Kut jätta midä-se hüväd ičein jäl’ghe?
Nadežda Fokina
Kut jätta midä-se hüväd ičein jäl’ghe?
вепсский
Младописьменный вепсский
2022.–2032. voded
oma Rahvahidenkeskeine igähižiden rahvahiden keliden voz’kümne .Sen aigan 28.kül’mkud Piterin Rahvahiden Kodiš mäni "Pohjoižen rahvahiden keliden festival’ " -konferencii .
Konferencijan pätegend om tehta sija , kus ristitud voižiba jagadas ičeze mahtištol da diskutiruida problemoiš , miččed koskeba kelen kaičendad .
28. kül’mkud mehed , kudambad tahtoiba kaita Venäman rahvahiden kelid , kerazihe konferencijale da jagoihe ičeze radmahtištol toine toiženke .Heiden keskes oli tedomehid , tundijoid da kel’aktivistoid .
Konferencijal ezini Nina Glebovna Veisalova – Venäman Pohjoižen , Sibirin i Edahaižen Päivnouzman igähižiden vähäluguižiden rahvahiden associacijan varaprezident da sihe associacijaha mülüjan "Tradicionaližiden tedoiden i keliden keskuz " -organizacijan pämez’ .Ičeze ezituses Nina Glebovna sanui siš , miše ristitun taba tegese laps’aigal da kehitoitase perehes .Tariž el’geta : kaikuččen mehen kal’huzid sündutab kanz .
Konferencijan päivän aigan kului ühtnikoiden melentartuižid dokladoid ; adivoiden täht ezini artistoid .
Minun südänt kosketi eraz ezituz , miččen nimi oli "Jätta ičein jäl’ghe hot’ ühten karjalaižen ".Ezitusen avtoran oli Ol’ga Valerjevna Ogneva – karjalaine naine Petroskoišpäi .Hän pagiži ičeze kodikelel (karjalan kelel ) i pani hengen starinaha siš , kut hän tundištoiti poigad karjalan kelenke da openzi sihe .Oli jüged , no kaikense Ol’ga sai čoman satusen – nügüd’ hänen poig pagižeb karjalan kelel ani hüvin .Nece om ozutez meile kaikile : om tärged mel’dütoitta last kelel da äjan pagišta sil , kacmata jügedusihe .
Erazvuiččiden rahvahiden ezitajad starinoičiba kodikeliden (komin , nencan , čukotkan , nanaican ) kaičendas da perehen tärktas roliš siš azjas .
Sur’ homaičuz oli kingitadud sihe , miše rahvahan kel’t voib opeta , konz se kulub kodiš , konz kaik kanznikad pagižeba sil toine toiženke .
Konferencijal olin vepsän rahvahan ezitajan vähäluguižes vepsläižiden delegacijas .Se oli hüvä voimuz vasttas sebranikoidenke da üks’hengidenke .Hüviš meliš tundištimoiš mahtoidenke , miččil voib kaita kodikel’t : kut opeta lapsid pagižmaha kelel kanznikoidenke , kut jätta midäse hüväd ičein jäl’ghe .Melentartuine da äipoline tundijoiden mahtišt andab meile , aktivistoile , väged uzile projektoile .
Kut jätta midä-se hüväd ičein jäl’ghe?
вепсский
Младописьменный вепсский