Тексты
Вернуться к просмотру | Вернуться к списку
Unohtamatomad päiväd Venäman pohjoižes
История изменений
20 декабря 2024 в 20:11 Нина Шибанова
- создал(а) текст
- создал(а) текст: Kül’mkun lopus Salehardas mäni igähižiden vähäluguižiden rahvahiden “Venäman Pohjoine” -forum. Sada mest erazvuiččiš regionoišpäi ühtni neche forumaha. Karjalaspäi oli koume ristitud – kaks’ üläopenikad da minä. Forum mäni koume päiväd. Oli erazvuiččid lekcijoid, mastar’-klassoid, no päazjan oli rad temoiden mödhe. Oli viž temad:“Kontent”, “Sebr”, “Imidž”, “Turizm”, “Kodikeled”. Iče radoin “Kodikeled”-temas. Minä da toižed opendajad – kodikelen aktivistad – meletim vändoid da abukirjoid lapsiden täht. Ken-se meleti kuvaižid, miše oliži kebnemb opeta kel’t, ken-se meleti “mafia”-vändon kodikelel. Minä taričin tehta kodimale omištadud regionoidenkeskeine festival’. Minei tuli lujas mel’he nece forum. Nägin, miše meiden mas om äi norid mehid, kudambad kaičeba kodikelid. Hö tegeba äjan sen täht, miše heiden kel’ eläiži edemba-ki. Tedištin äjiš melentartuižiš mel’vehiš da projektoiš, miččed voiba abutada kelen kaičendas. Meletan, miše nenid tedoid kävutaškanden meiden školas. Mugažo meil oliba tundištoituzmatkad Salehard-lidnadme. Olim muzejas, miččehe om keratud Jamalan istorii. Lidnan filarmonijas meiden täht oli tehtud sur’ koncert, miččehe ühtniba sijaližed kollektivad i pajanikad. Hö pajatiba kodikelel lujas čomin. Tundištoituzmatk tundraha oli ani melentartuine: nägištim äi pedroid, tedištim, kut mehed eläba tundras, miččid jügedusid heil om. Tahtoin sanuda, miše tundras eläjad ristitud pagižeba kodikelel (nencan kelel) hüvin. Kel’ kaičese sigä. Nene päiväd, miččid mänetim Salehardas, oma jänuded meiden muštho igäks.