Тексты
Вернуться к списку | редактировать | удалить | Создать новый | История изменений | Статистика | ? Помощь
Golubnik Jekaterina . Petroskoiš ezitadihe tedomašinan vänd vepsläižiš
Golubnik Jekaterina
Petroskoiš ezitadihe tedomašinan vänd vepsläižiš
вепсский
Младописьменный вепсский
Vänd
tundištoitab ristituid vepsän rahvahan fol’kloranke , tradicijoidenke da kelenke .
T al’vkun 19.päiväl Petroskoiš mäni "Järvidenkeskišton peitusid " -vändon prezentacii .Vänd om omištadud veps läižile , i vodel 2025 se linneb vodel 2025 se linneb pandud erazvuiččile vändplatformile .
– Vändos voib valita openduzrežim da opeta vepsän kel’t processas , a voib muite väta kelen opendamata . Süžet om tehtud vepsläižen fol’kloran da sarnoiden pohjal , – sanui prezentacijal vändon tegii Ruslan Nordinsen .
Vänd kožub kaikile kävutajile .Eskai niile , ken nikonz ei ole kulnu vepsän rahvahan polhe , no kenel om taht tundištadas vepsän kelenke da kul’turanke .
Vändon openduzrežim om interaktivine .Vändai opendaškandeb vepsän kel’t kosketades hengidenke .Openduzrežimas tariž opeta vepsän kel’t , miše sirttas edemba vändos .
– Mö naprim tehta interaktivižen vändon , miše nece ei olnuiži völ üks’ vepsän kelen openduzkirj . Meiden pätegendan om süvenzoitta vändajid süžetaha , tundištoitta vändon hengidenke , heiden veroidenke da elonmahtonke , – ližazi Ruslan .
Tulijal aigal kehitoitajiden jouk planiruib levenzoitta vändon süžetad da ližata vändoho ut vepsän kelen vaihištod i uzid grammatižid konstrukcijoid .Mugažo joukun planoiš om tehta mugoine vänd karjalaižiden motivoiden mödhe , miččen abul voib opeta karjalan kel’t .
Petroskoiš ezitadihe tedomašinan vänd vepsläižiš
вепсский
Младописьменный вепсский