Тексты
Вернуться к списку | редактировать | удалить | Создать новый | История изменений | Статистика | ? Помощь
Irina Sotnikova. Kal’huded laps’aigaspäi
Irina Sotnikova
Kal’huded laps’aigaspäi
вепсский
Младописьменный вепсский
Jügedad
da opakod Suren voinan voded …Oli-ik voinan lapsil aig väta , i oli-ik heil miččid-ni bobaižid ?Miččid ilotusid oli heiden elos ?Äjid , ked muštiba nenid vozid , jo ei ole hengiš , a niid , ked völ voiba jagatas meidenke ičeze johtutesil , jäi lujas vähä .Sikš heiden muštlotesed oma lujas kal’hed , niid voib kundelta časuil .
Minun baboi Jevgenia Ivanovna Fotejeva Kalagespäi hüvin muštab aigad , konz hän oli lapsen , noren neiččen , i voib starinoita äjan melentartušt enččes elos .Necil kerdal meil sündui pagin bobaižiš .
"Nece oli d’o däl’ges voinad . Elo oli lujas löulen , näl’gad oli , ii olnu ni sobid päle panda , nimida .Muštan , maman vellen ak , Tan’a-töt’ , oli tulnu mijale adiviihe Vologdalpäi .A konz hän läks’ tagaze kodihe , sanub papale : "Pästa Žen’ad minunke minun kodimale adiviihe ".A mina necil vodel školha läksin ezmeiččehe klassaha .Papa sanub : "Pästan , vaise ala hätkestiita , školha lähtob ."Oli 1946.voz’ .Muštan , miččel-se parohodal mö ajiim Süvärilpäi kanalad möto .
Vologdal naižed iče ombeskel’t’he tätüižid träpiciižišpei .Ken-se abut’ hänele tehta tätüižen minei .Hätken mina vändiin sil .I kaik sil oli tehtud da pirttud : rožaine , sil’mad , nena , su , korvaižed oli ombeltud , kädudet , dougaižed dei sobaižid oli tehtud .Tulim sigapei , ka minai hiväd mel’t oli töuz’ , mise podarit’he minei nece tätüine .
Nu a täga miččid bobaižid oli ?Prihaižile teht’he pistoletiid , dei oli nece mod – pu ottaze da ümbri čaptaze , mise tabataze voiži , a keskes riigeine tehtaze sormen panda .Erased prihad d’o iče void’he tehta niid .Miil oli vel’l’ vanhamb da vel’l’ noremb , miččid bobaižid niičukaižile oli , ii olnu nimiččid .Kac , savespäi mida ka tegim .Savi iknal oli bučus .Otam saved da tegim šarikaižid da taclimii niil .Paha elo oli siloi .Kanzad ol’d’he suured , ka miil oli vähä aigad vätas .
Konz vanhembad pästtaze miid veriile ii hätkeks guleimaha , ka posadas vändaškandem laptaha .Hivä vänd oli , kaik navettihe väta .A pertiš nimiččid vändiid ii olnu , vaise opetihe miid radmha .Ka hiväd elod-se ii olnu .Ii olnu sed-žo časiid fateras , pidi posadaha d’oksta , ku kel časud oma .Sanutaze : "Mä da küzu , äjak aigad om ?"Naku kut elim .Griška-dedal hodikad ol’d’he .Hän oli jumoranke mužik .Mina sanun : "Griška-deda , äjak časiid om tiil ?"A hän sanub : "Niižne , miil oma ühted časud ka sed oma hodikod siinal .Časiid miil iilä äjad ".Ezmäi jumoranke sanub , a däl’ges muga : "Sanun , ka muštad-ik ?Ala kükestu da ala unohta , mise ii tulda mijale uudešti ".Nu ka kut unohtad mugomad !"
Meiden hil’l’ pagin baboinke mäni Uden voden aigan .I sid’ hän zavodi johtutada , kut ende varastadihe nece čoma praznik , kut čomenzoittihe kuz’ …"Uut vot kaikušti varastad’he . Kuuz’ mecaspei todaze sel’sovetha i sigä anttaze kvitancii i sanutaze , äjak pidab maksta .Däl’ges tom kuuzen kodihe .Mužikad teht’he ristad puuspei .I necile ristale keskele tehtaze riigeine , mise kuuz’ siižii .Kuuz’ lattaze agjas i siižutataze ristale .
Mö iče tehlim bobaižid bumagaspäi , krasiskelim , midani pirdim da ripputim niitiižile .Vähä oli mugomid hivid bobaižid .Silii loukiiš ii olnu äi bobaižid i den’giid ii olnu nikel .St’okulbobaižid möhemba zavottihe toskelta loukiihe , konz elo ladiškanzihe .Niid pidi kaita , ika sordad , i se murenob .Mö iče tehlim cepiižid bumagaižišpei .Tegim mugomad lentaižed , krasiskelim , klejim i panem petleižehe , tegim cepeižen i ripputelim kuuzele .Bobaižid liškad ii olnu .Vaiše äjak-se bobašt ostad vai ken-ni tob lahjaks ka hivä mel’ oli .
Mugom elo oli , a kaikense kuuz’ todeskel’d’he pert’he da Uut vot vasttihe .Kaikušti sanutihe , mise Uut vot pidab vastata kodiš , nece kanzan praznik om , ii pida nikuna lähtta .Kaikuččes pertiš Uut vot prazniitihe .Magedad pirgad teht’he .Tegem stolan , sömäd da prazniičem .Däl’gele Uuz’ voz’ da Raštvad zavottaze varastada .Nece praznik igän prazniitihe .Mö-se kaiken vanhembidike elim , kanzas , äjan otim vanhembišpei .Ii bohat oli elo , no posadas elo oli hivä , kaik toine toižele abutet’he .Radod oli äi , kaik rat’he .Niken radota ii olnu , ken radii sovhoziil , ken – kivel ".
Meiden baboid da dedoid eliba jügedoiš aigoiš .Ičeze elos hö nägiba äi pahad , no i hüväd-ki .Hö mahtoiba ihastuda kebnoihe azjoihe .Kanzad ende oliba sured , lapsile pidi äjan rata , abutada vanhembile tehta kodiradoid , kacta norembid vellid da sizarid .Sikš heil oli vähä aigad väta .Bobaižid-ki sil aigal ei olend äi .Tähasai rauhad ristitud muštaba ičeze bobaižid , ned oma heiden südäimiš igäks .
Kal’huded laps’aigaspäi
вепсский
Младописьменный вепсский