Тексты
Вернуться к просмотру | Вернуться к списку
Iisussa plahosloviu lapšie
История изменений
04 февраля 2025 в 15:21 Нина Шибанова
- создал(а) текст
- создал(а) текст: Iisussa Hristossa tykkyäy lapšie. Erähičči Iisussan luo tuotih lapšie, jotta Hiän panis käteh heijän piällä ta moliutuis. Opaššettavat moitittih tuojie. No Iisussa šano: «Antakkua lapšien olla. Elkyä pijätelkyä heitä tulomašta Miun luo. Heijänmoisilla kuuluu Taivahien Valtakunta». Hiän pani käteh lapšien piällä ta šen jälkeh läksi šieltä. Niih aikoih opaššettavat tultih Iisussan luo ta kyšyttih: «Ken on šuurin Taivahien Valtakunnašša»? Iisussa kučču luokšeh lapšen, ašetti hänet heijän kešellä ta šano: «Šanon teilä toven: kun että kiäntyne Jumalan puoleh ettäkä tulle lapšenmoisiksi, nin että piäše Taivahien Valtakuntah. Ken alentuu lapšenmoisekši, še on šuurin Taivahien Valtakunnašša. Ken Miun nimeššä ottanou luokšeh yhenki tämmösen lapšen, še ottau luokšeh Miut».