Тексты
Вернуться к списку | редактировать | удалить | Создать новый | Статистика | ? Помощь
Nadežda Mičurova. “Pajokeräine” pajatti nuožarveläzile
Nadežda Mičurova
“Pajokeräine” pajatti nuožarveläzile
карельский: ливвиковское наречие
Новописьменный ливвиковский
Muamankielen
päivän kynnyksel Vieljärven Karjalan Kielen Koin pajojoukko "Pajokeräine " kävyi ozuttamah konsertua Nuožarven kul’tuuru
taloih .Sie piettih vastavus "Oma kieli ".
HARJAVUMMO ARTISTOIKSE
Se oli enzimäine konsertu , konzu vieljärveläzet naizet lähtiettih pajattamah toizeh kyläh .Enne sidä hyö pajatettih vaigu omas Vieljärves .Pajokeräine-joukol on vai vuozi , ga pajattajat sie ollah nerokkahat .
– Meijän joukos on kaheksa hengie . Myö olemmo vastemaizet pajattajat .Erähät meis pajatettih Vieljärven rahvahan horas vuozinnu kaheksakymmen .Myö emmohäi moizet vahnat ole , jo erähät sanat unohtuttih .A pajon kauti tiijustat äijän uuttu sanua .Pajattelimmo myö kerdua kolme-nelli omas Vieljärven kluubas , pajattelimmogi omas Karjalan Kielen Kois .Tämä ajelusmatku meile on enzimäine .Vähäzin harjavummo artistoikse .Omua soittajua meile ei ole .Hyvä , gu Dmitrii Muhorin tuli abuh .A muite myö pajatammo minusovkoil , sanou Galina Porojeva , Pajokeräine-joukon johtai .
Konsertan aigah sai kuulta čomua pajuo da častuškua karjalan kielel .Pajokeräine-joukon naizet pajatettih Iivan L’ovkinan , Aleksandr Saveljevan , rahvahan pajoloi da ven’an kieles karjalakse kiännettylöi .Tatjana Baranovan kiännetty Kodi-pajo muga miellytti pajattajii , ga hyö kai otettih sen Karjalan Kielen Koin gimnakse .
HYVIÄ MIELDY PAJATANDAS
Nuožarveläzet rakkahal kuunneltih vieljärveläzien pajatandua .Erähii pajoloi pajatettih ičegi .Pruazniekkukonsertan lopus Nuožarven rahvas kučuttih kaikkii tansimah da pajattamah častuškoi .Kälykset Galina da Tatjana Jelisejevat kiistai pajatettih vesselii častuškoi karjalan kielel .Rahvas nagrettih vačat kibiekse .A Pajokeräine-joukon pajattai Nadežda Zaitseva pajatti oman muaman sizären Marija L’ovkinan pajon Vieljärves .Lämmy vastavus loppih Aleksandr Saveljevan Minä mustan -pajol , kuduadu kaikin tietäh da suvaijah .Nuožarveläzil da vieljärveläzil on jo tulluh hyväkse perindökse ajella gostih toine toizen luo .Toinah mostu vastavustu roihes vie enämbi .
“Pajokeräine” pajatti nuožarveläzile
карельский: ливвиковское наречие
Новописьменный ливвиковский