Тексты
Вернуться к списку | редактировать | удалить | Создать новый | История изменений | Статистика | ? Помощь
Ol'ga Žukova
Ol'ga Žukova
карельский: ливвиковское наречие
Новописьменный ливвиковский
Ol'ga Jurjevna Žukova (19. talvikuudu
1978, Kurba , Podporožjan piiri , Leningruadan aloveh , Nevvostoliitto — 31. pakkaskuudu 2023, Petroskoi , Karjalan tazavaldu ) on vepsän kielen tutkii , opastai , runoilii .Hänen tutkimusalannu oli vepsäläine folklouru , svuad'bu - da muahpanenduitkuvirret .Filolougientiedoloin kandiduattu (2009), Ven'an tiedoakadiemien Karjalan tiedokeskuksen Kielen , literatuuran da histourien instituutan nuorin tiedoruadai .
Eloskerdu
Vuvvennu 2001 loppi Petroskoin valdivonyliopiston .
Vuozinnu 2001—2023 ruadoi vepsän kielen opastajannu Petroskoin valdivonyliopistos (vuvves 2007 - karjalan da vepsän kielen laitoksen vahnin opastai , vuvves 2019 - Filolougien instituutan baltiekkumerensuomelazen filolougien laitoksen docentu ).
Vuozinnu 2012—2023 ruadoi Ven'an tiedoakadiemien Karjalan tiedokeskuksen Kielen , literatuuran da histourien instituutas kielitiijon ozastos nuorimannu tiedoruadajannu .
Vuvvennu 2009 Ol'ga Žukova väitti filolougientiedoloin kandiduatakse , hänen tutkimuksen tiemannu oli "Vepsäläzien ritualuitkuvirzilöin kielen eričykset " (opastusala 10.02.22 — Jevroupan , Aazien , Afriekan , Amierikan ulgomualoin kanzoin da Avstrualien kandueläjien kielet (vepsän kieli )).
Ol'ga Žukova oli Vepsän kul'tuuruseuran aktivistannu .
Kuoli jälles jygiedy da pitkiä taudii 31. pakkaskuudu vuvvennu 2023 Petroskois .
Vuvvennu 2023 Ol'ga Žukovan mustokse Vepsän kul'tuuruseuru piästi ilmah hänen veps .Ezmäine änik -runo - da suarnukogomuksen lapsile .
Bibliogruafii
Ol'ga Žukova on enämbän migu 40 tiedoruavon kirjuttajannu , vepsänkielizien runoloin , suarnoin da kerdomuksien lapsih nähte kirjuttajannu , niilöi painettih vepsänkielizeh Kodima-lehteh , Kipinä-žurnualah , eri kogomuksih da Verez tullei -al'manuahah .
Palkindot da arvonimet
Karjalan tazavallan Kul'turuministerstvan kiitändykirjaine (2009),
Karjalan tazavallan Kanzallizen da alovehellizen poliitiekan ministerstvan kiitändykirjaine (2020),
Ven'an Federacien Yhteiskunnallizen paluatan kiitändykirjaine suures panokses rahvahanyhteiskunnan instituutan kehittämizes Karjalan tazavallas (2019),
Karjalan tazavallan piämiehen kiitändykirjaine (2021),
Karjalan tazavallan Zakonoinluajindukerähmön kiitändykirjaine (2022).
Ol'ga Žukova
карельский: ливвиковское наречие
Новописьменный ливвиковский