Тексты
Вернуться к списку | редактировать | удалить | Создать новый | История изменений | Статистика | ? Помощь
Vieno Fedotova
Vieno Fedotova
карельский: ливвиковское наречие
Новописьменный ливвиковский
Vieno
Petrovna Fedotova (28. kezäkuudu 1934 - 31. talvikuudu 2021) on kielentutkii , filolougien tiedoloin kandiduattu , Ven'an tiedoakadiemien Karjalan tiedokeskuksen Kielen , literatuuran da histourien instituutan vahnin tiedoruadai .Vieno Fedotova on Petroskoin valdivonyliopiston karjalan da vepsän kielen laitoksen enzimäine johtai .
Eloskerdu
Oli roinnuhes 28. kezäkuudu vuvvennu 1934 Louhen piirin Kuorilahten kyläs .Kazvoi Kalevalas , kus vuvvennu 1952 loppi keskiškolan .Hänen ven'an kielen da literatuuran opastajannu oli Unelma Konkka , kudai rodih kuulužakse karjalazen rahvahanrunohuon tutkijakse , karjalazien suarnoin da itkuvirzilöin enzimäzekse tutkijakse .
Vuvvennu 1952 Vieno Petrovna piäzi opastumah Petroskoin valdivonyliopistoh , kus opastui ven'an kieldy da literatuurua .Yliopiston jälles ruadoi kaheksa vuottu ven'an kielen da literatuuran opastajannu Puadanen , Värtsilän da Petroskoin školis .Vuvvennu 1965 nägi ilmoituksen lehtes , ku Nevvostoliiton tiedoakadiemien Karjalan tiedokeskuksen Kielen , literatuuran da histourien instituuttah ečitäh ruadajua , kudai maltas karjalan kieldy da hänel olis korgeiškolan opastus .Vieno Fedotovua otettih ruadoh instituuttah laborantakse .
Vuvvennu 1971 Vieno Fedotova piäzi opastumah aspirantuurah suomi-ugrilaine kielitiedo (karjalan kieli ) -alale .Vuvvennu 1977 Tarton yliopistos tutkii puolisti väitösruavon karjalan kielen frazeolougies da 19. sulakuudu vuvvennu 1978 hänes virrallizesti rodih filolougien kandiduattu .
Vieno Fedotova ruadoi Karjalan tiedokeskuksen Kielen , literatuuran da histourien instituutas enämbän 40 vuottu , vuves 1965 vuodessah 2006.Sih aigah oli kerätty da tutkittu suuri ainavoluaduine materjualu , oli piästetty ilmah äijy tiedokirjutustu , kniigua , sanakniigua .Karjalan tiedokeskuksen Kielen , literatuuran da histourien instituutas on ruokos enämbi 100 tuhattu hänen kerättyy sanakartočkua , niilöin joukos frazeologizmua , sanondua , deskriptiivisty sanua .
Konzu 1980 vuozien lopus ottavuttih karjalan kirjukielen kehittämizeh da vuvvennu 1990 Petroskoin valdivonyliopistoh avattih karjalan da vepsän kielen laitos , sen enzimäzekse johtajakse rodih Vieno Fedotova .Häi oli sit virras enämbän vuottu .Yliopistos Vieno Petrovna monien vuozien aigah lugi yliopastujile karjalan kielen frazeolougien kursua , oli heijän diplomuruadoloin johtajannu da arvostajannu .
Vieno Fedotova kuoli 31. talvikuudu vuvvennu 2021.
Julgavot
Vuvvennu 1985 nägi päivänvalgien Fedotovan tiedoruado "Karjalan kielen frazeologizmat ".
Vuvvennu 1990 piäzi ilmah "Karjalan kielen virkehopin kuvuamine ".Se oli enzimäine perinpohjaine karjalan kielen virkehoppii koskii tutkimus .
Vuvvennu 1994 — "Karjalan Kielen näyttehet ", kudamas on Vieno Fedotovan kerättyy materjualua .
Vuvvennu 2000 — "Karjalan kielen frazeolougien sanakniigu ".Sih kuuluu enämbi 4000 sanakirjutustu .Materjualua sih niškoi tutkii keräi enämbän 20 vuottu da tämä materjualu on karjalan kielen kaikil piämurdehil .
Vuvvennu 2001 — "Lyhyt karjalan kielen frazeolougien sanakniigu ".
Vuvvennu 2002 — Karjalan kielen deskriptiivizet verbit -sanakniigu .Sit on läs tuhattu deskriptiivisty verbii .
Vuvvennu 2009 yhtes Tatjana Boikonke Vieno Fedotova luadi "Karjalan Varšinais-murtehien šanakirjan ", kudamas on enämbi 22 tuhattu sanakirjutustu .
Palkindot da arvonimet
Vieno Fedotova on palkittu Ven'an tiedoakadiemien , Karjalan tazavallan opastandan ministerstvan da kul'tuuruministerstvan kunnivokirjazil , Ruavon veteruanu -medalil .
Vieno Fedotova
карельский: ливвиковское наречие
Новописьменный ливвиковский