Тексты
Вернуться к списку | редактировать | удалить | Создать новый | История изменений | Статистика | ? Помощь
Ol'ga Žarinova
Ol'ga Žarinova
карельский: ливвиковское наречие
Новописьменный ливвиковский
Ol'ga Mihailovna Žarinova (12. kevätkuudu
1964) on filolougientiedoloin kandiduattuu , karjalan kielen opastai , karjalan kielen opastuskniigoin da metoudiekkukniigoin luadii .
Eloskerdu
Ol'ga Žarinova on roinnuhes Priäžän piirin Jovenkyläs (ven . Юлялега ).Kaheksa vuottu opastui oman kylän školas , sit kaksi vuottu Jessoilan keskiškolas .Školan jälles lähti opastumah Petroskoin valdivonyliopistoh histourii-filolougizele tiedokunnale ven'an kielen da kirjalližuon ozastole .Yliopiston loppiettuu , vuvvennu 1986, sai ven'an kielen da literatuuran opastajan ammatin .
Jälles yliopistuo viizi vuottu ruadoi ven'an kielen da literatuuran opastajannu Lahdenpohjan piirin da Suojärven linnan školis .
Vuozinnu 1991—1994 opastui Ven'an tiedoakadiemien Karjalan tiedokeskuksen Kielen , literatuuran da histourien instituutan aspirantuuras .Väitti filolougientiedoloin kandiduatakse vuvvennu 2006, hänen väitösruavon tiemannu oli Karjalan kielen zoonimoin sanasto .
Aspirantuuran loppiettuu 17 vuottu opasti karjalan kieldy yliopistolois : Petroskoin valdivonyliopistos da Karjalan pedagouguyliopistos , kanzoinvälizilgi karjalan kielen opastajien kursiloil , kudamii piettih joga vuottu vuorotellen Suomes da Ven'al .Kaikkiedah opastajannu Ol'ga Mihailovna on ruadanuh 22 vuottu .
Karjalan pedagouguinstituuttah karjalan da vepsän kielen laitoksele Ol'ga Žarinova tuli ruadoh vuvvennu 1993, vuozinnu 2002—2010 oli sen johtajannu .Instituutas paiči karjalan kieldy opasti Karjalan kirjalližuttu , Karjalazien ainehellistu da hengellisty kul'tuurua , ohjai opastujien praktiekkua päivykodilois da školis .
Vuvven 2010 talvikuus vuodessah 2019 oli Karjalan tazavallan kanzallizen arhiivan johtajannu .
Vuvves 2019 ruadau Kiži-muzeis .
Julgavot
Ol'ga Mihailvona on monien karjalan kielen opastuskniigoin da metoudiekkukniigoin kirjuttajannu .Hänen käytettävimii opastuskniigoi on "Pagizemmo karjalakse ", se on painettu yhtes cd-diskanke .
Palkindot
Ven'an Federacien Opastandan ministerstvan kunnivokirjaine (2005),
Karjalan tazavallan kunnivokirjaine (2014)[2].
Ol'ga Žarinova
карельский: ливвиковское наречие
Новописьменный ливвиковский