ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Kauppumiehen Vasilii Kubrinan taloi

подкорпус: публицистические тексты

Источник:
RUWIKI(livv): https://olo.ruwiki.ru/wiki/Kauppumiehen_Vasilii_Kubrinan_taloi

РУВИКИ: https://ru.ruwiki.ru/wiki/Дом_купца_Василия_Кубрина

Kauppumiehen Vasilii Kubrinan taloi

карельский: ливвиковское наречие
Новописьменный ливвиковский
Kauppumiehen Vasilii Kubrinan taloi (ven. Дом купца Василия Кубрина) on XX vuozisuan allun arhitektuuran mustomerki. Kuuluu Astanan linnan histourien da kul'tuuran mustomerkilöih paikallizen merkičyksenke.

Histourii
Vasilii Matvejevič Kubrin on vuozisuan XIX lopun — vuozisuan ХХ allun suuren Akmolinskan kauppumiehen, Matvei Kubrin poigienke da Kо -kaupputaloin ven. "Матвей Кубрин с сыновьями и Ко") perustajan Matvei Konstantinovič Kubrinan poigah. Siberin jogavuodine kaupputevolližusjulgavo kirjutti sit, ku M. K. Kubrinan laitos "möi aptiekan, manufaktuuran, galanterein, kuldusepän, kirjutusbumuagan da kansel'uarien tuottehii, sežo sobii, jallaččiloi, čuassuloi, čuajuu da zuaharii". Jälles 1915 vuottu M. K. Kubrin avai oman ezitystön Moskovasgi da jätti kaupputaloin Akmolinskas omale Vasilii-poijale.
V. M. Kubrin jatkoi tuatan ruaduo da sai hyviä tulostu kaupputoimindas. Linnanhaldivon tiedoloin mugah 19. kezäkuudu vuvvennu 1912 Vasilii Kubrinan luotetun kaupputaloin nimeh oli kirjoile pandu 5 eländytaloidu, sežo laukkua da varastuo.
Vasilii Kubrinan kondu oli suurin kauppumiehen kondu linnas. Sen oli nostanuh vuozinnu 1910—1912 moskovalaine arhitektoru da sih kuului erilline puolitostukerroksine taloi, bokkuhuonus luondalanke, hebotahnut karetniekoinke da kivine aittuluondal. Konnun pihas oli luajittu sadu anglielazen stiilin mugah. Bokkuhuonukseh liityi muanalaine kalidor (myöhembi se oli salvattu), kudai vedi vuozinnu 1905—1907 nostettuh Kubrinan kaupputaloih.
On olemas linnan legendu, kudaman mugah Piiterin ruadomatkan aigua Vasilii Kubrin kävyi Mariinskoih teatrah, kus tuttavui nuoren baleriinanke (toizen versien mugah ozuttelijanke). Mieldynyh kauppumies kozičči händy. Ga neidine azetti ehton nostua hänele moizen taloin kui hänen tuttaval baleriinal Moika-joven rannal. Häi oli varmu sit, ku ehto oli täytetty, ga hairahtui, kodvazen mendyy puaru rubei elämäh kaikis suurimas konnus Akmolinskas.
Kauppumiehen Kubrinan taloi oli nacionaliziiruittu Ligakuun vallankumovuksen jälles. Sit talois oli ruadajien da muanruadajien kluubu da kirjasto. Myöhembi – linnan ujezdutoimehpaniikomitiettu, vallankumovuksen toimehpaniikomitiettu. Taloi sai Enzimäine nevvostoloin taloi -nimen Ligakuun vallankumovuksen 3-vuozipäiväkse. Sit talois ruattih linnan, ujezdan da piirin Yhtistynnyöt valdivonpoliitiekkuhallindon, Syväinazieloin rahvahan komissuariattoin, milicien laitokset. Vuozisuan XX puolivälis sie oli linnan opastandanozasto da Pionieroin taloi. Vuozien 1960 puolivälis sit rodih Alovehen histouriikodialovehmuzei.

Дом купца Василия Кубрина

русский
Дом купца Василия Кубрина — памятник архитектуры начала XX века. Входит в список памятников истории и культуры местного значения города Астаны.

История
Василий Матвеевич Кубрин — сын крупного акмолинского купца конца XIX — начала ХХ в., основателя торгового дома "Матвей Кубрин с сыновьями и Ко" — Матвея Константиновича Кубрина. Сибирский торгово-промышленный ежегодник публиковал информацию о том, что предприятие М. К. Кубрина "вело торговлю аптекарскими, мануфактурными, галантерейными, ювелирными, писчебумажными и канцелярскими товарами, а также одеждой, обувью, часами, чаем и сахаром". После 1915 года М. К. Кубрин открыл своё представительство и в Москве, оставив торговый дом в Акмолинске на своего сына Василия.
В. М. Кубрин продолжил дело отца, достигнув успеха в коммерческой деятельности. По сведениям городской управы, на 19 июня 1912 года на имя доверенного торгового дома Василия Кубрина было зарегистрировано 5 жилых домов, а также магазины и склады.
Усадьба Василия Кубрина была самой большой купеческой усадьбой в городе. Усадьба была построена в 1910—1912 годах московским архитектором и включала в себя особняк в полтора этажа, флигеля с подвалом, конюшни с каретниками и каменный амбар-погреб. Во дворе усадьбы был разбит сад в английском стиле. Флигель соединялся подземным ходом (позднее он был замурован) с торговым домом Кубрина, который был построен 1905—1907 годах.
Существует городская легенда, согласно которой во время деловой поездки в Санкт-Петербург Василий Кубрин посетил Мариинский театр, где познакомился с молодой балериной (по другой версии — актрисой). Влюбленный купец сделал ей предложение выйти за него замуж. Но девушка поставила условие построить ей такой же дом, как у её знакомой балерины на набережной Мойки. Она была уверена, что условие невыполнимо, но ошиблась, и вскоре пара поселилась в самой большой усадьбе в Акмолинске.
Дом купца Кубрина был национализирован после Октябрьской революции. В этом здании размещались рабоче-крестьянский клуб и библиотека. Позже – городской уездный исполком, революционный исполком. Дом переименовали в Первый Дом Советов в честь трёхлетия Октябрьской революции. В этом здании работали городские, уездные и районные учреждения ОГПУ, НКВД, милиции. В середине XX века здесь был городской отдел образования и Дом пионеров. Областной историко-краеведческий музей расположился в здании в середине 1960-х годов.
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков