Тексты
Вернуться к списку | редактировать | удалить | Создать новый | История изменений | Статистика | ? Помощь
Stepanova Ol’ga . Muššan kuali keiton makieta tuokšuo
Stepanova Ol’ga
Muššan kuali keiton makieta tuokšuo
карельский: собственно карельское наречие
Новописьменный севернокарельский
Tänäpiänä
täštä keitošta jo ei muisseta , ka ennein še oli hyvin šuosittu ruoka talvella .
Karjalan alovehella kualie ta toisie kašviksie (porkkanua , punajuurta ) ruvettih kašvattamah vašta 1930-luvulla kolhosin johtokunnan käšyllä .Niin karjalaini keittijö kokonah muuttu ta šiinä ilmešty hyvin äijän makeita ta hyövyllisie ruokalajija .
Keittuo hapankualista ennein šanottih muššakši tahi harmuakši keitokši .Pruasniekoiksi keitettih liharokkua šuuriman , jauhojuoman ta potakan kera .Niin kualikeitto tuli šakiemmakši ta täyttävämmäkši .
Mušta kualikeitto – šemmoni nimi näyttäy kauhielta .Še ilmešty šentäh , jotta ennein emännät oltih šiäštäväiset ta muštua kualikeittuo varoin käytettih kualikerän jyreitä pintalehtijä .
Šamoin ni kualin vanha hapattamistapa erosi nykyseštä .Kiukuah leivän paistamiseh jälkeh ašetettih verekšet kualikerät ta jätettih vuorokauvekši .Šemmosella tavalla valmissettuo kualie šäilytettih pakkasešša (aitašša , šinčissä , pihalla ).Konša oli tarvis , kualikerä tuotih pirttih , leikattih puolekkah , kuattih piällä šuolavettä , jätettih painon alla ta niin hapatettih kolme päivyä .
Haihtumisen ta hapattumisen jälkeh kuali tummeni , a šen vihriet pintalehet tultih tummanruškeiksi .Šiitä šyntyki ruuvvan nimi .
Harmuata kualikeittuo niise keitettih hapankualista , ka šitä varoin käytettih kualikerän vualieta šiämiošua , mi ei tullun niin tummakši hapattumisen aikana .
Vienan Karjalašša kualikeittoh lisättih niise kuivattuo tahi livotettuo karpaluo , jotta ruoka tulis herkullisennäkösekši ta täyšimakusekši .Tätä keinuo monet emännät käytetäh nykyjähki .
Pyhittämisen päivinä kualikeittoh lisättih liina - tahi šiemenvoita , a tavallisina päivinä – maituo tahi šulatettuo voita .
Muššan kuali keiton makieta tuokšuo
карельский: собственно карельское наречие
Новописьменный севернокарельский