Тексты
Вернуться к просмотру | Вернуться к списку
Virboin kukkazet
История изменений
15 апреля 2025 в 17:49 Нина Шибанова
- создал(а) текст
- создал(а) текст: Pajuloin kukkazet, Gu hienozet jänöizet, Pehmiet da valgiezet, Harmuat piähyzet, Lyhyčät händäzet, Oksazil istutah, Talvi kai kukitah. Sygyzyl uinottih, Kodazih peityttih Vihmois da vilulois, Tuulis da lumis. Gu kätkyölöis häilyttih Da kukkazii havvottih. Vuottamata lämmin karahtih, Liijan tuores tuuli puhaldi, Havačutti nukkujat kukkazet, Avai sumbat kodazien veriäzet. Jänöihyöt turvottih, Varboih lujah tartuttih, Kodvaine lämmäs riputtih, Häilyttih, Liedžuttih, Kižattih. Ga uvvessah talvi tuli, Udžve pakui da suli, Tuhut da pakkazet tuldih, Vai virboin jänöizet kestettih! Kai talvi, gu keviäl, kukittih, Tervehel nävöl ovvostettih. Ristittyöt ihastuksis kačotah: Virboin kukat ozua uskaldetah. Toinah, toven tulou kevät, Tullah valgiet, lämmät ehtät, Oksat lehtih puhketah, Niittykukat avavutah. Virboiviččua katkommo, Lapsienke čomendammo, Lentočkazii sivommo, Linduzii tartutammo. Kirikös net seizotah, Pyhitändiä vuotetah. Pappi vetty priskuttau, Malittupajuo šupettau. Rahvas kodih otetah, Ehki pahois vardoijah Pajun hienot kukkazet, Kummallizet jänöizet…