Тексты
Вернуться к списку | редактировать | удалить | Создать новый | История изменений | Статистика | ? Помощь
Uljana Tikkanen. Petroskoissa piettih Vienan päivä
Uljana Tikkanen
Petroskoissa piettih Vienan päivä
карельский: собственно карельское наречие
Новописьменный севернокарельский
Petroskoissa piettih
Vienan Karjalalla omissettu päivä .Šen järještäjänä oli Karjalaisien X kerähmön valtuutettujen neuvošto yheššä Kielen , kirjallisuon ta istorijan instituutin šekä Karjalan kanšojen yštävyštalon kera .
Huomeneš - ta iltatapahtumat tuttavuššettih tulluita Vienan Karjalan aloveheh , runokylih , tapoih , istorijah ta kulttuurih .Huomenekšella enšimmäistä kertua oli pietty tilaisuš uuvvešša muuvvošša – "Älykäš huomenešpakina ".Šen aikana vierahat šyötih perintehellisie šyömisie : leipäkiisselie , višpipuuruo , potakkašankija ta juotih Vuokkiniemeššä kerättyö horšmačäijyö .Kaikki kostitukšet valmisti Viena-etnokeškuš -järještön johtaja Julija Filippova .Hiän kerto vierahilla , mit reseptit vielä nytki šäilytäh Karjalan pohjosešša .
Pakina herätti toisien muisselmie kahvi - ta čäijyperintehistä , mistä paikoista kahvie tuotih pohjoiskylih , mintäh karjalaista piti kuččuo stolah kolme kertua , tahi šiitä , jotta još čäijyö ei pie enyä kuatua , ni piti kiäntyä kuppi kumuol’l’ah .
– Miun tuatto on šyntysin Valko-Venäjältä ta hiän kerto miula , kuin hiän enšimmäistä kertua joi čäijyö karjalaisien šeurašša . Hiän ei tietän šitä perinnehtä , jotta piti panna minih , esimerkiksi , lusikka kupin piällä tahi kiäntyä kuppi kumuol’l’ah .Šentäh hänellä lisättih ta lisättih čäijyö , a hiän čuipotteli kieltäytyö , muisteli Kalevalan ošakunnan jäšen Ol’ga
Burak .
Šiitä pakinan teema šiirty keškušteluh , mi on Vienan Karjalan aloveh ta mintäh šitä niin šanotah .
– Viena-nimi tuli Vienajoven nimeštä , mi venäjäkši on Dvina , še laškou Vienanmereh , a še Karjalan oša , mi rajoutuu merellä on Vienan Karjala , šelitti folkloristi Marija Kundozerova .
Tutkija vielä lisäsi , mit kylät pietäh runokylinä šekä millä pakinoilla ta murtehilla Vienašša paissah .Kertomukšen lisäkši oli esitetty kartat .
Noššetut teemat oltih mukavat kaikilla ta jokahini löysi oman starinan kerrottavakši .
Iltapuolella Julija Filippova vietti Tulkua Vienah-älypelin .Kolmeošasen pelin aikana piti vaššata Vienan Karjalan istorijah , kotišeutuh , perintehelliseh elämäntapah liittyjih kyšymykših šekä näyttyä omie tietoja millä paikoilla ta ihmisillä Vienan kylät on tunnettu .Kilpailun ošien välissä oli laulunumeroja – kaikin kuunneltih ta laulettih Vienan kanšan lempilauluja .
Tapahtuma oli pietty Karjalan kanšojen kielien ta kulttuurien netälien aikana .
Petroskoissa piettih Vienan päivä
карельский: собственно карельское наречие
Новописьменный севернокарельский