Тексты
Вернуться к списку | редактировать | удалить | Создать новый | История изменений | Статистика | ? Помощь
Petroskoin fenoumenu
Petroskoin fenoumenu
карельский: ливвиковское наречие
Новописьменный ливвиковский
Tieduo
vuvven syvyskuu 1977 tundemattomas lendäjäs objektas kylläl löydyy internetas .Sidä ilmivyö sanotah "Petroskoin fenoumenakse " libo "Petroskoin diivokse ".Sen syvyskuun 20. päivänny 4.00-4.20 aigua huondeksel nähtih äigät rahvas Karjalas , Leningruadan alovehel , Baltiekkumualoil , Suomes .Ristittyzien sanoin mugah omua muoduo myöte se mustoitti meduzua libo kaheksajalgua .Iändy sit objektas niken ei kuulunuh .Tutkijat kerras otettih ruadoh sen faktan , ku juuri sinny piän 4.01 aigah Plesetsk-kosmodromalpäi oli työtty lendoh sputniekku "Kosmos-955 ", i tämä läpettäi "meduzu " oli rakietan viijen motoran lykättylöin palamistuottehien jälgi , kudai läpetti nouzijan päiväzen valgies .
Täs harvinazes ilmivös kirjutettih eri lehtilöis , vaiku kirjutettih , ku se oli metioriitan libo rakietan jiännös , Plesetsk-kosmodroman olemas olemizes vallasolijat julgi ei sanottu .
Petroskoin eri mikropiirilöin eläjät , kudamii oli läs viittytostu hengie , sanottih , ku vuvven 1997 ligakuus algajen vuvven loppussah heijän fatieroin ikkunoih rodih loukkoloi .Erähät loukot oldih kruuganmuodozii , reunat oldih rounoku silendetyt .Dzeržinskoin pihan talois n :u 12 rodih loukkoloi kerras nellän fatieroin ikkunois .Fatieroin eläjät yöl kuultih räjähtyksen .Vuvvennu 1978 keviäl pietyn ekspertiizan mugah net loukot azuttih rogatkan libo orožan vuoh .Myöhembi rodih legendu sih nähte , ku 20. syvyskuudu tundematoi lendäi objektu "skaniiruičči " omil sugahil kogo linnan , i net sugahat luajittih loukot ikkunoih .
Petroskoin fenoumenu
карельский: ливвиковское наречие
Новописьменный ливвиковский