Тексты
Вернуться к списку | редактировать | удалить | Создать новый | История изменений | Статистика | ? Помощь
Ruadivon päivy
Ruadivon päivy
карельский: ливвиковское наречие
Новописьменный ливвиковский
Ruadivon
päivy on kaikkien sähköyhtevysaloin pruazniekku .Ven'al tädä ammattipruazniekkua pietäh 7. oraskuudu .Juuri täl päiväl vuvvennu 1895 keksittih ruadivo .Nevvostoliiton Rahvahan komissuaroin nevvoston A . S . Popovan ruadivon keksindän 50-vuozipäivy -nimizes käskys 2. oraskuudu vuvvennu 1945 päiväle annettih virralline pruazniekan stuatussu .Jo myöhembi Nevvostoliiton Korgeviman Nevvoston Prezidiuman käskys 1. ligakuudu vuvvennu 1980 pruazniekale pandih Kaikkien yhtevysaloin ruadajien päivy , Ruadivon päivy -nimi .
Ruadivon päivy on virralline pruazniekkupäivy Ven’al , Bolguaries , Armienies , Kirgiizies da Valgoven’an tazavallas .
Pruazniekan histourii
Vuvvennu 1895 Aleksandr Stepanovič Popov yhtes P’otr Nikolajevič Ribkinanke azuttih laittehen , kudai merkičči jyryn tuleniškut suurel välimatkal .Popov pani sille jyryn merkilepanii laiteh -nimen (ven . грозоотметчик ).
25. sulakuudu (7. oraskuudu ) vuvvennu 1895 Ven’alazen fiiziekan da hiimien seuran fiiziekan ozaston istundol enzikerdua ezitettih uuuzi tiedoloin annandusistiemu : särähtelendän lähtehenny jyryn merkilepanijal laittehel oli lähäle azetettu Gercan vibruattoru -nimine laiteh . Metalluporoškoin vaikutus sähkömagniettazih särsähtelendöih (ven . "Об отношении металлических порошков к электромагнитным колебаниям ") -ezityksen lopus Popov sanoi : "Toivozin , gu minun luajitun laittehen toimindu paranou .Uvvistetunnu se rubieu työndämäh signualoi välimatkoile ravieloin sähkösärähtelendöin avul .Se roih silloi , konzu sih niškoi lövvetäh vägi suuri energiilähteh .Juuri tädä päiviä pietäh ruadivon keksindypäivänny ".
Ruadivon päiviä Nevvostoliitos enzikerdua piettih vuvvennu 1925.Silloi oldih suuret ruadivon keksindän 30-vuozipäivän pruazniekkupivot .Markoni Guljel’mo keksi da luadi patentan samanjyttymäl ruadivokuaval .Jällel kuului sil , gu avai ruadivotuotehkompuanien .Sillozen aijan monis julgavolois merkittih hänen panostu ruadivon dieloh , ga Popovan ruadoloi arvostettih enimäl .Sinävuon Ruadivon dovariššu -žurnualas oli Ven’an ruadivoinžinieroin arvostetun seurah kuulujan A . A . Petrovskoin kirjutus , kudamas häi toivotti 7. oraskuudu azuo tovelline radistoin päivy .
Ruadivon keksindän 40-päivännygi oli kaikenluadustu vuvvel omistettuu piduo .Vuvven kunnivokse piästettylöis julgavolois tunnustettih da arvostettih Popovan suurdu panostu ruadivon alguhpanendah .
Kymmenen vuvven mendyy virrallizesti pandih allun Ruadivon päivän piendäle .Nevvostoliiton Rahvahan komissuaroin nevvoston A . S . Popovan ruadivon keksindän 50-vuozipäivy -nimizes käskys sanottih :
"Ven’an tiedomiehen A .S . Popovan ruadivon keksindän 50-vuozipäivänny 7. oraskuudu vuvvennu 1945 Nevvostoliiton rahvahan komissuaroin nevvosto piätti : … 4. Ottajen huomavoh ruadivon suurdu tehtäviä rahvahan kul’tuuru - da poliitiekkuelokses da oman muan puolistandas , ruadivoalan kodimualazen tiijon da tehniekan tuloksien levittämizekse sego ruadivosuvaiččijoin toimindan kannattamizekse , ruadivon toimindah kiinnostunnuzien lugumiärän suurendamizekse , perustammo oraskuun 7. päivänny jogavuodehine Ruadivon päivy ".
Sit aijas ruvettih palkiččemah A . S . Popovan kuldumedaliloil .Net annetah suuris tutkimus - da keksindyruadolois ruadivon alal .Palkitahgi Arvostettu radistu -rynnäsmerkilöil .Sego maksetah nimistipendieloi yliopistoloin opastujile da jatko-opastujile , kudualoin ammatinnu ollah ruadivoyhtevys da ruadivolaittehet .
Nevvostoliiton Korgeviman Nevvoston prezidiuman käskys 1. ligakuudu vuvvennu 1980 pruazniekale pandih Ruadivon päivy , kaikkien yhtevysaloin ruadajien päivy -nimi .
Piendy
7. oraskuudu Ven’al Ruadivon päiviä pietäh opastujat , opastajat , opastuslaitoksien lopennuot .Net rahvas , kenen ruado on kiini ruadivolaittehis da laittehistos .Sego muzeiloin ruadajat da ruadivonsuvaiččijat .
Ruadivon päiviä pietäh Bolguaries (bolg . Ден на радиото и телевизията vuvves 1968), Armienies , Kirgiizies da Valgoven’an tazavallas , kus vuvvennu 2023 ammattipruazniekkupäivän nimeh palkittih täl alal ruadajii , heijän keskes on Tazavallan unituarine sähköyhtevyksen tarkastuslaitos ven . Республиканское унитарное предприятие по надзору за электросвязью "БелГИЭ " (5. oraskuudu 2023).Kačondan päivymiäry : 29. kevätkuudu 2024.
Vuvvennu 2009 pruazniekan kunnivokse ečindysistiemu Google piästi ilmoile ruadivon muodozen dudlan .
Piendytavat Ven’al
Jekaterinburgu
Jekaterinburgan Ruadivotehniekan laitoksen opastujat , opastuksen lopennuot da opastajat joga vuottu yhtytäh päivän piendypidoloih , niilöis piälimäine on perindöllizekse tulluh kulgu .Sen matku menöy tiedokunnan talois A . S . Popovan mustopaččahassah .Pruazniekkupivot kestetäh nedälin , sen aigua yliopiston haldivo kuččuu yhtymäh omii da školien opastujii moniaihiezeh projektutoimindah .Sen aigua školaniekkoi tuttavutetah opastuslaitoksen histourieh da sen opastusprogrammoih .Jo tavan mugah pruazniekkupäivänny , 7. oraskuudu , pestäh A . S . Popovan mustopačas .Sinäpiän pruazniekkukulgu lopeh ilotulien laskemizeh .Vuvvennu 2020 kulguu ei olluh koronaviirusan pandemien periä , kahten vuvven mendyy rahvas uvvessah yhtyttih sih .
Pruazniekkunedälin lopus pietäh opastujien parahien projektoin ozuttelu : ruavot vallitah suan kilbuniekan keskes , ozutettavakse otetah läs 30-40 parastu ruaduo .Ozutteluh kučutah omal alal ruadajien laitoksien johtajii .Moizien ozutteluloin piendy on hyvä mahto opastujih niškoi , hyö ozutetah omii maltoloi da neroloi , tuttavutah ruavonandajienke .Yhtelaiguagi pietäh vällien ruadopaikkoin jarmankua , sil opastujat voijah löydiä ičele tulii ruadopaikku , suaja paikan opastusruavon libo harjaitandan aijakse .
Jekaterinburgan A . S . Popovan nimizes ruadivon muzeis ammattipruazniekannu pietäh perindöllizii Avvonazien veriälöin päivii .Sinäpiän muzei ottau vastah ekskursiijoukkoloi .Moizil ilmazil ruadivole omistettuloil tuttavunduvastavuksil sanellah ruadivon keksindäs , kehitändäs da ruadivon paikas nygözes muailmas .
Taganrogu
Taganrogan Ruadivotehniekan da ohjavon instituutas pietäh temuattizien pidoloin sarjoi .Niilöih kučutah kui nygözii mugai endizii opastujii .Bakalavran da specialitietan liinilöil opastujien ies ezitytäh Opastujien kerhon ozuttelijat , pietäh tiedo - da fotokartočkukilboi .Školien opastujat piästäh käymäh Politehniekan muzeih .
R’azani
R’azanin valdivollizes ruadivotehniekan yliopistos ollah omat Ruadivon piendytavat : opastuksen lopennuot da nygözet opastuajat kerävytäh opastuslaitoksen piärakendukselluo da hyvitelläh toine tostu , sanojen ven . "Попов воскрес !".Vuvvennu 2020 pruzniekkupidoloi piettih loittuolpäi , onlainmuvvos ..
Moskovu
Vuvvennu 1971 Moskovan Fiiziekan da tehniekan instituutas Ruadivopäivän nimeh järjestettih ruadivotehniellizien rakendehien da tiedokonehohjelmien kilbu .Luvan yhtyö moizeh suadih ei vai Ruadivotehniekan da kibernetiekan tiedokunnan opastujat , daigi toizet tämän opastuslaitokset ozastot .Kilvan ozanottajat da voittajat vuvvekse suadih ližädengat stipendieloih da palkindot .Jälgivuozinnu tämän jogavuodehizen kilvan järjestäjänny on ruadivotehniekan da tiedokonehtehnolougieloin Fiiziekan da tehniekan škola , kudai on azuttu ruadivotehniekan da kibernetiekan tiedokunnan pohjal .Muga vuvvennu 2023 piettih mikrokontrol’l’oroin da ruadivotehniekan projektoin kilbu .
Tomsku
Ruadivon päivän piendyperindö Tomskas rodih vuvvennu 1986, konzu perustettih Tomskan valdivolline sistiemoin ohjuandan da ruadivotehniekan yliopisto , kudamas avattih ruadivotehniekan tiedokundu .Sit aijas joga vuottu 7. oraskuudu opastujat yhtyttih pruazniekkukulguloih omua linnua myöte .Vuvvennu 2001 pruazniekku sai linnan pidoloin virtallizen stuatusan .Sidä sanotah RuadivoBoom -festivualikse .
Vuvvennu 1988 rodivui vie yksi perindö : sinäpiän Tomskan opastujat lykitäh yhteiskoin yheksänden kerroksen ikkunoispäi vahnat ruadoh pädemättömät laittehet .Sil pandih Tehniekkuprogressu-nimi .Lykityt tiedokonehet , lamputeleviizorat , monitorat da toizet laittehet , kudamii ei otettu keräle pivon kaččojat , jälles keräilläh opastuslaitoksen ruadajat da vietäh kierrätykseh .Enin kaikkie ikkunoispäi lykittyy laitehtu oli vuvvennu 2016 — kaikenualazien laittehien lugumiäry silloi oli 500 palua .
Tomskas Ruadivopäivänny pietäh perindöllizet ruadivojarmankat .Niilöin piendypaikku on opastujien linnan sportualoveh .Jogavuodehizil jarmankoil kai tiedokunnat pietäh moniluaduzii kilboi da toizii pidoloi .
Piiteri
Kronštadtas vuvves 1995 joga vuottu Popovan puustos pietäh Ruadivon päivän miitingua .
Piiterin A . S . Popovan paččahalluo pienes puustos Petrogradskoin čupul joga vuottu pietäh linnan pidoloi , kudamien aigua hyvitelläh kaikkien yhtevysalan ruadajii .Järjestäjinny ollah Piiterin valdivolline sähkötehniekkuyliopisto , Piiterin valdivolline professoru M . A . Bonč-Brujevičan telekommunikacieloin yliopisto , A . S . Popovan nimine yhtevyksien keskusmuzei , A . S . Popovan muzei-fatieru da toizet yhteiskunnallizet yhtistykset .Vuvvennu 2015 tämä pido oli omistettu ruadivon keksindän 120-vuozipäiväle .
7. oraskuudu vuvvennu 2015 A . S . Popovan nimizen yhtevyksien keskusmuzein XIX vuozisuan loppupuolen ruadivoyhtevys -zualas avattih A . S . Popovan mustolaudu da ezitettih Muailman sähköyhtevyksen liitto , 150 vuottu -merkipäivän poštumarku . Sego piettih VIII Tiijollizet A . S . Popovan nimizet lugemizet , tiemannu oli Telefonaparuatas I-phonah da I-padassah ".
Toizet tapahtumat
7. oraskuudu vuvvennu 2024 A . S . Popovan yhtevyksien keskusmuzein pluanois oli avata Ruadivosuvaiččijoin toimindu , 100 vuottu -nimine ozuttelu sego pidiä XIV Tiijollizet A . S . Popovan nimizet lugemizet nimel Ruadivo : tiijon da tehniekan perindö .
30. da 31. oraskuudu vuvvennu 2024 Moskovas Ruadivon päivän kunnivokse tahtottih pidiä 79. kogo Ven’an konferensii Ruadivosähkölaittehet da sistiemat tiijoituskommunikaciitehnolougieloih niškoi .
Toizet pruazniekat
Ruadivon päiviä ei pie sevoittua nämmien pruazniekoinke :
Muailman ruadivon päivy — 13. tuhukuudu ;
Kanzoinväline Telekommunikacieloin päivy — 17. oraskuudu ;
Muailman ruadivonsuvaiččijan päivy — 18. sulakuudu ;
Ukrainan Ruadivoteleyhtevysalan ruadajien päivy — 16. kylmykuudu ;
Vojennoin sv’azistan päivy — 20. ligakuudu .
Kul’tuuras
24. oraskuudu vuvvennu 2001 oli Ruadivon päivy -spektaklin enzi-ildu , piäroulilois oldih Kvartet I teatran ozuttelijat .
Vuvvennu 2008 ohjuaju Dmitrii Djačenko samannimizen spektaklin mugah azui Ruadivon päivy -fil’man .
Ruadivon päivy
карельский: ливвиковское наречие
Новописьменный ливвиковский
"
7.
7.
24.