Тексты
Вернуться к списку | редактировать | удалить | Создать новый | История изменений | Статистика | ? Помощь
Nadežda Petrova. “RUWIKI”: “Kucum üläopenikoid ühthižradho”
Nadežda Petrova
“RUWIKI”: “Kucum üläopenikoid ühthižradho”
вепсский
Младописьменный вепсский
Jogahižel
rahvahal om oiktuz’ valita , kut paremba kaita da kehitoitta kodikel’t .Nügüd’ sen täht om äi erazvuiččid voimusid .Uded tehnologijad , cifrovizacii , tegointellekt voiba abutada kodikelen kehitoitandas .Ühten mugoman voimusenke tundištihe Petroskoin valdkundaližen universitetan üläopenikad , kudambad opendaba vepsän da karjalan kelid .
Voden 2023 kezakus Venämal zavodi rata "RUWIKI "-internettedokirj .Nece om uz’ projekt , mitte om tehtud Venäman serveroil da meiden man zakonoiden mödhe .Sen pätegend om vahvištoitta ristituiden uskondad joudaitedoihe , miččid joga päivän voib löuta Internetas ."RUWIKI "-tedokirjas om 21 kel’erištod , niiden lugus oma karjalan da vepsän keled .
Uhokus vodel 2025 Petroskoin valdkundaližes universitetas mäni vastuz tedokirjan toimitajiden (Jelena Ruppijeva , Larisa Čirkova , Nadežda Petrova ) da baltianmeren suomalaižen filologijan i kul’turan kafedran üläopenikoiden keskes .Necen vastusen pätegend oli siš , miše tundištoitta korktan školan openikoid uden projektanke , starinoita heile , kut voib kävutada enciklopedijan tedoid openduses da kucta üläopenikoid ühtneda sen radho volont’oroiden roliš .
Ezmäi kaiked Jelena Ruppijeva , karjalan kelen erišton toimitai , starinoiči "RUWIKI "-tedokirjas : konz da kut se oli tehtud , miččed voimused da ližad oma tedokirjan kävutajil , kut voib ühtneda tedokirjan täutandaha , miše kirjutada uzid sanutesid , miččid temkirjutesid voib löuta .Jäl’ges üläopenikad tundištihe tedokirjan interfeisanke , nägištiba , mitte om sen venäkeline pälehtpol’ , miččed erištod sil oma , kus voib löuta tedoid , miše lugeda "RUWIKI "-projektan polhe da kut voib valita tarbhaižen kelen lugemižen täht , ved’ tedokirjas niid om 21.Vastusen ühtnikoile oli melentartušt tedištada , kut voib käta venäkel’he erasid karjalan da vepsän sanoid , ozutesikš "tarkenduz ", "homaičendad ", "tule ", "eci ", "kaiče ", "pagin " da toižed .
Kaikid melentartuižembaks üläopenikoiden täht tegihe jäl’gmäine vastusen pala , konz toimitajad ozutiba da starinoičiba , kut pidab vaumištada kirjutesed tedokirjan täht , kut pidab valita kirjutesen teman , sen ližaks – kacta , om-ik jo se tedokirjas vai se om uz’ .Sidä kesken openikad iče voiba probuida rata tedokirjas .Vastusen ühtnikoiden keskes oliba rohktad mehed , kudambad kerdalaz ladiba kirjutada ezmäšt kirjutest .Jelena , Larisa da Nadežda andoiba vastusid heiden küzundoihe .
Üläopenikoiden mel’pidon mödhe , rata tedokirjas om jügedahk , no sen-žo aigan om melentartušt .Vastusen ühtnikoile tuli mel’he , miše tedokirjas voib löuta tedoid erazvuiččile temoile karjalan da vepsän kelil .Nece material voib abutada heile openduses .Völ hö sanuiba , miše oliži lujas hüvä , ku voiži kel’praktikad , mitte om nelländel da videndel kursal , mänetada rates tedokirjas .Ved’ mugoine voimuz om jo anttud toižiš "RUWIKI "-tedokirjan kel’eristoiš .Jevgenii Karakin , universitetan karjalan kelen opendai , kudamb mugažo oli vastusel , sanui , miše nece oliži hüvä azj kelen kehitoitusen täht i pidab pagišta sen polhe universitetan da kafedran administracijanke .Voib olda , mugoine voimuz linneb üläopenikoil jo tulijal vodel .
Lopuks sanun , miše "RUWIKI "-tedokirjan vepsän da karjalan kelen toimištod varastaba uzid kävutajid da kirjutajid .
“RUWIKI”: “Kucum üläopenikoid ühthižradho”
вепсский
Младописьменный вепсский