Тексты
Вернуться к списку | редактировать | удалить | Создать новый | История изменений | Статистика | ? Помощь
Irina Zaitseva. Muamonkielen šaneluo kirjutettih 73 kentällä
Irina Zaitseva
Muamonkielen šaneluo kirjutettih 73 kentällä
карельский: собственно карельское наречие
Новописьменный севернокарельский
Aktijo yhisti
ošallistujie Karjalašta , Leningradin , Vologdan , Murmanskin ta Tverin alovehilta .
Tänä vuotena alovehien välistä Šanelu karjalan ta vepšän kielellä -aktijuo vietetäh 21.–27. šulakuuta 73 kentällä .Netälin aikana yli 1200 ošallistujua Karjalan eri piirilöistä šekä Vologdan , Murmanskin Tverin ta Leningradin alovehilta tarkaštau omie kielitaitoja .Tänä vuotena šanelun tekstit on omissettu Šuuren Voiton 80-vuotispäivällä .
Perintehellini aktijo starttasi Karjalan ta vepšän kirjakielen päivänä Petroskoin valtijonyliopiston Tietokirjaštošša .
– Karjalan ta vepšän kirjakieli on tosi nuori , ka kielet ollah vanhat : ne elettih , kehityttih ta ruvetah kehittymäh . On iloista , jotta kielien kehityštä vaššatah ajanhetket .Karjala ta vepšä on esitetty Yandex-kiäntäjissä , Ruwiki-tietošanakirjašša .Tuanoin olin Moskovašša muamonkielien kehitykšellä omissetušša forumissa .Šiinä koroššettih , jotta meijän tašavalta kuuluu etumaisimpih alovehih , missä esitetäh muamonkielie netissä .Tänäpiänä on hyvä mahollisuš tarkaštua omie tietoja ta šuaha uušie šekä männä etehpäin , korošti Karjalan tašavallan kanšallisen ta alovehellisen politiikan ministeri Sergei Kisel’ov .
Šanelun ošallistujien kešen on niitä , ket opaššutah kieltä monta vuotta ta niitä , ket opaššutah šitä tuanoin .
– Mie opaššun livvinkarjalua enšimmäistä vuotta resurssikeškukšešša . Lapšena kuulin kieltä ämmöltä , hiän on kotosin Vieljärveštä .Piätin kirjuttua šanelun .Miula šovan aihe on jykie ta šanelu oli vaikie .Toivon , jotta kirjutin hyvin , ka en vuota tulokšie : mie halusin tarkaštua omua kielitašuo , kannattua aktijuo , miula še oli mukava , kerto šanelun ošallistuja Kira Karenina .
– Olen vepšäläini . Opaššun vepšyä resurssikeškukšešša viisi vuotta .Kirjutan šaneluo joka vuosi .Še antau tarkaštua tietoja , ošallistuo kielen šäilyttämiseh .Tänä vuotena teksti oli helpompi kuin viime vuotena .Šiinä oli muisselmie šiitä , mitein kyläh tultih miehittäjät ta eläjät jouvuttih jättämäh omie paikkoja , šaneli ošallistuja Irina Popova .Ihmiset , ket ei voitu kirjuttua šaneluo järješšetyillä kentillä , šuatih kirjuttua šitä videolähetykšien avulla , kumpasie esitettih šanelun VK-ryhmäššä .
Šuaha tovissuš Petroskoissa šuau šulakuun 28. päiväštä alkuan Karjalan tašavallan kanšojen yštävyštalošša .
Šeurata aktijon uutisie šuau vk .com /saneluz -ryhmäššä VK-sosialiverkošša .Tänä vuotena aktijon piäjärještä jänä on Karjalan Rahvahan Liitto Karjalan tašavallan piämiehen granttišiätijön ta Karjalan kanšallisen ta alovehellisen politiikan ministerijön kannatukšella .
Muamonkielen šaneluo kirjutettih 73 kentällä
карельский: собственно карельское наречие
Новописьменный севернокарельский