Тексты

Natalja Sinitskaja. Kus elettih kandelehel soittajat da kui syödih kiiselii

подкорпус: публицистические тексты

Источник:

Oma mua. № 15, 2025, с. 4

Natalja Sinitskaja

Kus elettih kandelehel soittajat da kui syödih kiiselii

карельский: ливвиковское наречие
Новописьменный ливвиковский

Karjalazien
X kerähmön
vallittuloin
nevvosto
pidi
kahten
nedälin
aloh
nelli
suurdu
piduo
, kuduat
oldih
omistettu
karjalazien
kul’tuurale
. Sulakuun
toizennu
kolmanpiän
Viisaš pala
-huondespuolizes pivos
tulluzile saneltih
vienankarjalazien perindölöis
.

Nevvostolaine Julĳa Filippova valmisti
huondesverole
tulluzile magiet
potakkašankit, kagrukiiselit
da
vispipuuron. Vienalaine
Marija Kundozerova saneli
karjalazis
runonpajattajis. Ildupuoles piettih
Uljana Tikkazen valmistettu
etno-kviz, kuduas
kaksi
joukkuo
ozutettih
omii
tiedoloi
– arvattih
Karjalan
pohjaispuoles olĳoi mustomerkilöi
, mustoitettih
vienalazien
kylien
nimilöi
, juohatettih
karjalazien
kirjuttajien
tevoksii
da
muudu
mieldykiinittäjiä
.
Sulakuun
kolmandennu
kolmanpiän
oli
suvi-karjalazien vuoro
. Huondespuolizeh pidoh
oldih
kučuttu
yliopiston
opastujat
, Kanzallizen
da
alovehellizen
poliitiekan
ministerstvan
da
Karjalan
opastuksen
kehityksen
instituutan
ruadajat
, volont’ourat.
Mielevy
huondesvero
-pidoh
Mihailovien molodoit
Natalja da
Jevgenii valmistettih
kogonazen
programman
: ozutettih
karjalazien
perindöllizii
soittimii
da
kandelehel
soitandua
, sellitettih
, ku
enimät
kandelehel
soittajat
elettih
Karjalan
suves
. Kižin muzein
folklourujoukko pajatti
Vieljärven
kyläs
kirjutetun kumman
pajon
, kuduas
karjalan
da
ven’an
sanat
ollah
segai
. Ven’ua
maltamattomat
karjalazet
toiči
ven’ankielizii
pajoloi
kuultes
da
mieldyhyy niilöih
, painettih
net
mustoh
muga
, kui
maltettih
. Jälles
se
pajo
siirdyi
polvi
polveh
. "Mieleväh
huondesveroh
" tulluot
suadih
kuulta
karjalaine
joigugi. Tulluzien keskes
oli
äĳy nuordu
, kudamii
, heĳän sanoin
mugah
, miellytetäh
karjalazien
perindöt
. Vähäzel
ruskottih
heĳän rožat
, konzu
pivon
vedäi
Valentina Mironova kyzyi
, kui
nuori
ukko
söi
kiiselii
svuad’ban
da
molodoloin
enzimäzen
yön
jälles
. Petroskoilaine
Ruslan-nimelline briha
rubei
syömäh
kiiselii
keskikohtas
.
Uldupuoles kuundelijoikaččojii veseldytettih
Skylarkfolkjoukko, karjalain räppäri Ondrei. Pivon
lopus
kaikin
yhtes
pajatettih
karjalakse
karaoke. Tatjana Baranovan livvikse
kiännetyt anglielazen
Beatles-pajojoukon "Yesterday-Egläi" da
Viktor Tsoi "Kukuška-Kägöi" ollah
kuulužimii
pajoloi
da
mieleh
oli
kuulta
net
karjalakse
pajatettavinnu. Jälgimäine
Arbaitus-pajo, kuduan
ven’akse
pajatti
Žasmin-pajattai da
livvikse
hänen
peräh
meigäläine
Nadežda Bukina oli
ylen
mielužu
näminny kevätpäivinny
. Lopus
karjalazien
perindön
mugah
pidoh
tulluzii gostitettih
näppipiirualoil da
čuajul
.
– Tämänmoizien
pidoloin
piätarkoitus on
ozuttua
karjalazien
bohattua
kul’tuurua
, kuhkuttua
yhtehizeh
ruadoh
kaikkii
, kedä
se
miellyttäy
, sanoi
Inga Gurilova, Karjalan
X kerähmön
vallittuloin
nevvoston
piälikkö
.